25-Jan-2010, 03:31 AM
السلام عليكم ورحمة الله وبركاته
اخواني الاعزاء لا يخفى عليكم عليكم اهمية دور كبار السن في الحياه
وكانت لي تجربه في هذا الامر واحببت ان اخبركم بها وهي كالتالي
منذ صغري وانا احب الشيبان واحرص على الجلوس معهم وخصوصى جدي
رحمه الله واموات المسلمين وكان فالبر لانه عيا ينزل يسكن الهجر والمدن
وعاش عمره فالبر وكنت احرص على زيارته واحب الجلوس معه حتى العطله
اجلسها كامله عنده سواء شتا ولا صيف وكان الشيبان يسموني تربية الشيبان
صاروا لاشافنوني يقولون ولدكم هذا تربية شيبان وفي احد الايام نزل جدي
لمدينه قريبه منا يبي يشري تمر ورحت معه وطبينا السوق ودخل للدكان يشري
ونا جلست برا المهم جوني عيال يتحرشون فيني ويسبون طبعا رديت بالمثل وجلست اسبهم
وكنت في رابع ابتدائي وارتفعت اصواتنا وطلع جدي من الدكان وشافنا وجاني وقال ادخل معي داخل الدكان
قلت له يسبوني قال خلهم الله يهديك والعيال قاموا يسبوني انا وجدي هالحين ونا اتفلت ابيهم قام
جرني من يدي قلت يسبونك قال خلهم عسالله يهديهم وجرني من يدي وادخلني الدكان معه
ويوم ركبنا السياره قال لي انا زعلان منك احسبنك رجال واثر هذي علومك افا لا لا انا زعلان منك
لاعاد تكلمني وفعلا طول الطريق ماهرجني هاك اليوم والليله ويوم اصبحنا وصلينا الفجر وشب النار
جيته وحبيت خشمه وقلت له سامحني قال ماشفع لك عندي الا الصلاه لاكن ابيك تعاهدني عهد
لاعآد يعود لهآ عآيد قلت وشي قال الزعل لاعاد اشوفك زعلان ومعصب قلت ابشر اعاهدك المهم ترضى
عني ومرت الايام وكان كل مايشوفني ينشدني هاه لهآ الحين على العهد ولا نقضته وكنت ارد عليه
وقول له ابشرك لها الحين ويقول ترى علومك تاصلني ونا فالبر انتبه ونا اقول له ابشر انشالله
ماتسمع الا كل خير ومرت الايام وفي يوم جارنا جاه نسيبه وكان قاضي وذبح له وسواله عشا وحضرته مع
ابوي وسمع الشيبان وهم يسلمون علي يقولون حيالله تربية الشيبان وبعد العشا قال تعال عندي
وجيته واجلسني على يمينه وقال لي تعرف شمعنى تربية الشيبان قلت لا والله قال فوائدها كثيره
ولا تحصى واهمها خصلتان يحبهما الله ورسوله بعد التربيه على اهمية الصلاه قلت له وشنهي
قال الحلم والاناه ثم ذكر حديث رسول الله صلى الله عليه وسلم ((( خصلتان يحبهما الله ورسوله
الحلم والاناه ))) فسبحان الله العظيم ما اعظم دور كبار السن في الحياه
وسلامتكم يالغآلين
اخواني الاعزاء لا يخفى عليكم عليكم اهمية دور كبار السن في الحياه
وكانت لي تجربه في هذا الامر واحببت ان اخبركم بها وهي كالتالي
منذ صغري وانا احب الشيبان واحرص على الجلوس معهم وخصوصى جدي
رحمه الله واموات المسلمين وكان فالبر لانه عيا ينزل يسكن الهجر والمدن
وعاش عمره فالبر وكنت احرص على زيارته واحب الجلوس معه حتى العطله
اجلسها كامله عنده سواء شتا ولا صيف وكان الشيبان يسموني تربية الشيبان
صاروا لاشافنوني يقولون ولدكم هذا تربية شيبان وفي احد الايام نزل جدي
لمدينه قريبه منا يبي يشري تمر ورحت معه وطبينا السوق ودخل للدكان يشري
ونا جلست برا المهم جوني عيال يتحرشون فيني ويسبون طبعا رديت بالمثل وجلست اسبهم
وكنت في رابع ابتدائي وارتفعت اصواتنا وطلع جدي من الدكان وشافنا وجاني وقال ادخل معي داخل الدكان
قلت له يسبوني قال خلهم الله يهديك والعيال قاموا يسبوني انا وجدي هالحين ونا اتفلت ابيهم قام
جرني من يدي قلت يسبونك قال خلهم عسالله يهديهم وجرني من يدي وادخلني الدكان معه
ويوم ركبنا السياره قال لي انا زعلان منك احسبنك رجال واثر هذي علومك افا لا لا انا زعلان منك
لاعاد تكلمني وفعلا طول الطريق ماهرجني هاك اليوم والليله ويوم اصبحنا وصلينا الفجر وشب النار
جيته وحبيت خشمه وقلت له سامحني قال ماشفع لك عندي الا الصلاه لاكن ابيك تعاهدني عهد
لاعآد يعود لهآ عآيد قلت وشي قال الزعل لاعاد اشوفك زعلان ومعصب قلت ابشر اعاهدك المهم ترضى
عني ومرت الايام وكان كل مايشوفني ينشدني هاه لهآ الحين على العهد ولا نقضته وكنت ارد عليه
وقول له ابشرك لها الحين ويقول ترى علومك تاصلني ونا فالبر انتبه ونا اقول له ابشر انشالله
ماتسمع الا كل خير ومرت الايام وفي يوم جارنا جاه نسيبه وكان قاضي وذبح له وسواله عشا وحضرته مع
ابوي وسمع الشيبان وهم يسلمون علي يقولون حيالله تربية الشيبان وبعد العشا قال تعال عندي
وجيته واجلسني على يمينه وقال لي تعرف شمعنى تربية الشيبان قلت لا والله قال فوائدها كثيره
ولا تحصى واهمها خصلتان يحبهما الله ورسوله بعد التربيه على اهمية الصلاه قلت له وشنهي
قال الحلم والاناه ثم ذكر حديث رسول الله صلى الله عليه وسلم ((( خصلتان يحبهما الله ورسوله
الحلم والاناه ))) فسبحان الله العظيم ما اعظم دور كبار السن في الحياه
وسلامتكم يالغآلين
