مرثية في النقيب سطام بن دحيم العتيبي (رحمه الله)

مرثية في النقيب سطام بن دحيم (رحمه الله)


قامت تصافق بي معاصير الاوهام=والوقت من كاس المراره سقاني

وتلخبطت فالعين والروح الارقام=وأنهارت من الكون كل المباني

أدف خطواتي ويا ثقل الاقدام=مالي على بحر التحمل مواني

تزلزلت بيداي وش عذر الاقلام=عن وصف هاك اليوم يومه غشاني

يبست حروفي يوم حكم القدر قام=وضياعي اقبل يوم كلن لقاني

يالموت قلي وش تبي عند سطام=أخذته وقفّا وأنا في مكاني

أخوي وأخويه معه كل الاحلام=ماظني ألقى له مع الوقت ثاني

قبرته بصدري قبل يلبس الخام=وضميته وصوت الغلا فالمحاني

موته كسرني وأرغم العبره أرغام=مثل الغرير ابكي وكلن قراني

اركض ورى طيفه مع إسباق الايام=وإليا شرد فكري بصدري دعاني

والله لولا الخوف يا دين الاسلام=إني لحفر القبر مما بلاني

وأجلس معه لو جلستي عشره اعوام=ماكنها ألا عند قبره ثواني

ما أظن به شرهه ولاني بملام=سطام غالي وأذكره ما عصاني

من صغر سنه هقوته فوق الاحجام=بعيد نظره لكن العمر فاني

كان ولدي وإن قلت ياخوك قدام=قال أبشر بعزك وقام ونصاني

ثم حب راسي حبة حشام لحشام=وعرف كلامي قبل ينطق لساني

هو راس مالي ساعة ظروفي إحيام=أنصاه وألقى به جميع الاماني

لكن خذاه الموت وعياله أيتام=وأنا اليتيم وكل ضيق أحتواني

ماعاد باقي لي مع الشده أحزام=أمشي لحالي ماش قاصي وداني

الله يعوضني بعد مات سطام=بأبنه مشاري والعوض في زماني


مرزوق بن دحيم

..

أخـــــوي وأخــويـــه مــعـــه كـــــل الاحـــــلام
مـاظـنـي ألـقــى لـــه مــــع الــوقــت ثــانــي

الله يعوضك في اخوك خير يامرزوق
ورحم الله ميتكم واسكنه فسيح جناته
قصيده مؤثره وافيه في معانيها ومضمونها ..

معاوضن بخير انشالله ولله ماعطى ولله ماخذوالحمدلله رب العالمين على كل حال

صح لسانك
على هالعصمى يامرزوق
تقبل مروري

صح لسانك يابن دحيم

و

احسن الله عزاكم ورحم الله المتوفى

وعوضه الجنه وأعاضكم خيراً ..

صح لسانك

ولاهنت

والله يرحم الفقيد ويسكنه الجنه ،،،

احسن الله عزاكم ورحم الله فقيدكم

عندي استفسار
لي زميل دراسة ايام الابتدائية اسمه سطام دحيم له اخو اسمه موسى هل هماخوانك؟

للاسف من يوم نقلوا من ام الحمام في الرياض لا اعرف عنهم شي.

احسن الله عزاكم

الله يرحم الفقيد


قصيدة مؤثـــــــــــــــــرة للغايه

الله يعوضك في اخوك

والله يرحمه رحمة واسعه

وصح لسانك ملايين

الله يرحمه رحمة واسعه

هذي سنة الحياه وانا خوك

ومعوض بخير

ومرثيتك تستحق الحفظ


تقبل مروري

الله يرحمه ويسكنه الجنة

الله يرحمه ويسكنه الجنة

فعلاً مؤثرة

نسأل الله لكم الصبر والسلوان أخي مرزوق

الله يرحمه ويسكنه الجنه

معوضين خير يابو دحيم والله ان القصيده موثره للغايه

كلام ماوراه كلام صيص

الله يعضم اجرك يابن دحيم ويكتب لميتكم المنزل الاعلى من الجنة

أخوي مرزوق الله يرحمه ويعظـــم أجركــم
وإن شاء الله يكبــر ولده وتذوق نفعته ...


صـــح لســــانك

يالموت قلي وش تبي عنـد سطـام
أخذتـه وقفّـا وأنـا فـي مكانـي
أخوي وأخويه معه كـل الاحـلام
ماظني ألقى له مع الوقـت ثانـي



الله يرحمه ويغفره
ويجعل قبره رووضه من رياااض الجنه

الله يجزاكم خير وشاكر لكل شخص مر على الموضوع
اخوكم مرزوق بن دحيم

اثرت فيني هذه المرثيه كثيراً لأنها بكل تأكيد خرجت من القلب بنبرة حزينه تجعل من يقرأها يشعر بما تشعر به..


رحم الله ميتكم

واحسن الله عزاءكم



لك تحيتي وتقديري وصح لسانك..

الله يرحمه ويسكنه فسيح جناته


قصيده مؤثر للغايه


ومعوضين خير


وصح لسانك تقبل مروري