قالو علامك يبيض الوجه نحفان..

قالو علامك يبيض الوجه نحفان
والصدر ضاقتبه فجوج الوسيعه

ونته على خبري وسيع ابطان
ماضاق صدرك منزله بالطليعه

قلت السبب معاد للوضع كتمان
ولاعاد عندي صبريمكن اطيعه

قلبي تولع بزين مدعوج الاعيان
الي خذا قلبي واصبح ربيعه

الوصف مثل البدر من غير نقصان
بدر(ن)طلع للناس بعد القطيعه

والمشي لامنك وزنته بالأوزان
تمشي دلع ماهوب مشي المنيعه

ومبيسم(ن)ناحل من التوت رويان
يشفيك من جور اليالي الشنيعه

والجادل الي لانطوى فوق الامتان
مثل الحرير ولونه اشقر طبيعه

اصل وفصل ساس(ن)قوين ومليان
بالجود والمعروف دايم شريعه

قلبي تولعبه وقلبي له احصان
يشعبه دايم يحتضنه ويطيعه

تسوا بنات الكون بدون وحضران
من كل مذهب سنه وكل شيعه

من دون قاصر بالبني واي حقران
انا صريح ومنطق الحق اذيعه