الهواجيس

إلى الأخوه الأعزاء (كلن باسمه).. أرجو أن تتقبلوا هذه المتواضعه..

ولكم تحياتي


يا بخت قلب(ن) ما يعرف الهواجيس ### ولا قط شطشط في بحور القراده

والـهـم مـالـه فـي حـياتـه تضـاريـس ### مرتاح فـكـره ومـهـتـني بالـوساده

يا مل قـلب(ن) مثل حـنّ الـتـواريـس ### فـي مـوتـر الخـمسـين روّح مزاده

الـهـم حـبر وجـوف قـلبـي قـراطـيس ### وحـكـم علـي الشعر بحرب الإباده

يـاما ويـاما فـالـعـرب مـن مـفـالـيـس ### ومـن الـمـراجـل خـاليات(ن) عتاده

ويـاما ويـاما مـن رخـوم(ن) دنافـيس ### يــســون والله دون هـاك الـجــراده

ويـاما قـلـوب(ن) ميتات الأحاسيس ### ويـاما بـيـوت(ن) مـاتـعـرف السعاده

وياما رجال(ن) خبصوا فالكراريس ### واللي كـتـب يـنـشـر بـيـوم الـمـنـاده

أحــوالــنا يــارب والله مــعــافــيـس ### أحـــد(ن) يبى مليون وأحد(ن) زياده

والـكـل لاهـي مـير لـعنه على بليس ### يـــارب تــكـــفــى لاتـحـقــق مــراده

يـانـاس خـفــوا الأمـانـي مـطاعـيس ### والـوقـت يـسـرق سرق والموت عاده

واخـتـامـهـا مـالـي ومـال الـمـناكيس ### الـنـصــح للــي يــبــتــغــون الإفـــاده

وألا الـهـبـول مـعـاشـريـن المتاعيس ### كــــــلٍ(ن) وفـــكـــره مـانـبـي للنكاده



وســــــــــــــــــــــــــــــلامـــــــــــــــ ـتــــــــــــــــــكــــــم
يابعد راسي

صح لسانك يابو زيد

وعز الله انك ما قصرت ، وقصيده وافيه ياوافي .

صح لسانك

ويعطيك العافيه


تحيااااااااااااتي

صح لسانك يابو زيد

رائعه وحكيمه


تحياتي لك

اخوك ذيبان

...
.

مبدع يابو زيد...
وصح لسانك ...

صح لسانك اخوي ابو زيد على القصيده الرائعه والمعاني الجزله ... يسلم راسك ونرى جديدك قريبا

إلى الأخوة / أبو مشعاب / ابن نعيس / ذيبان / مرزوق العتيبي / البرهان


مشكورين على المرور

الله لا يهينكم

يعطيك العافيه يا بوزيد
وصح لسانك ولاهنت