18-Feb-2006, 10:34 AM
بلاش اضحك على نفسي واجاملها واقول بخير
وانا لاني بخير وسـد قلبـي ماكشـف سـره
ليا مني بغيت اضحك على الدنيا دهنت السيـر
واجاملهـا بضحكـه والليـال السـود مفتـره
رهيف احساس طيّب ومتواضع واكرّه التزوير
اجي واروح وجهـي ماتغيّـر منهجـه مـره
اهدّي الخاطر المكسـور بالتهليـل والتكبيـر
واقوم ان طاح حظي فالزمن واعـاود الكـره
قنوع وخابر ان اللي كتبـه الله لـزوم يصيـر
مـدام ارزاقنـا بيديـن رب محمـد الــدره
الا يارب جنبنا الشقى واكتـب لنـا التيسيـر
وشد صفوفنا اللي مـن زمـان العـام منثـره
يدك الغرب روس اصحابنا ونـدوّر التبريـر
نقول انه يمهد في صـلاح الدولـه الحـره !
نشوف الذل لكـن مانسـوي فالمواجـه غيـر
على الشاشات نشجب فعلهـم ونطفـي الحـره
هذه اكبـر هقاوينـا حقيقه...والحقيقـه ميـر؟
نعيش بمهزله واكبر دليـل (إيـران والـذره)!
وانا وش جابني يم السياسـه والدلـو والبيـر
اخلـي للسياسـه صاحبـي سـداح بالـمـره
ليا غنى يعالج خاطـر المجـروح بالتصويـر
طروقـه فارقـه لله فـي بحـر الشعـر دره
ابا اميّل على اللي له ليا مـر الهـوى تأثيـر
غيابه عن عيونـي يتعـب الخفـاق ويضـره
وصاله غايتي وفراقه اللـي ماهقيـت يصيـر
ثلاث ايام وانا اخـذ دروب الوصـل بالجـره
هنيك يالحمام اللي ليا ضاقـت عليـك تطيـر
تجوب الارض طول وعرض بين الحوم والكره
وانا مالي جدى الا اعدي المرقاب كل عصيـر
اطوّح صوتي المبحوح كـل عصيـر واجـره
الا ياليت للفرقا علـى وجـه الزمـن تحذيـر
يجوز من الهوى قلب الهواوي خيـره وشـره سعد الشيباني
وانا لاني بخير وسـد قلبـي ماكشـف سـره
ليا مني بغيت اضحك على الدنيا دهنت السيـر
واجاملهـا بضحكـه والليـال السـود مفتـره
رهيف احساس طيّب ومتواضع واكرّه التزوير
اجي واروح وجهـي ماتغيّـر منهجـه مـره
اهدّي الخاطر المكسـور بالتهليـل والتكبيـر
واقوم ان طاح حظي فالزمن واعـاود الكـره
قنوع وخابر ان اللي كتبـه الله لـزوم يصيـر
مـدام ارزاقنـا بيديـن رب محمـد الــدره
الا يارب جنبنا الشقى واكتـب لنـا التيسيـر
وشد صفوفنا اللي مـن زمـان العـام منثـره
يدك الغرب روس اصحابنا ونـدوّر التبريـر
نقول انه يمهد في صـلاح الدولـه الحـره !
نشوف الذل لكـن مانسـوي فالمواجـه غيـر
على الشاشات نشجب فعلهـم ونطفـي الحـره
هذه اكبـر هقاوينـا حقيقه...والحقيقـه ميـر؟
نعيش بمهزله واكبر دليـل (إيـران والـذره)!
وانا وش جابني يم السياسـه والدلـو والبيـر
اخلـي للسياسـه صاحبـي سـداح بالـمـره
ليا غنى يعالج خاطـر المجـروح بالتصويـر
طروقـه فارقـه لله فـي بحـر الشعـر دره
ابا اميّل على اللي له ليا مـر الهـوى تأثيـر
غيابه عن عيونـي يتعـب الخفـاق ويضـره
وصاله غايتي وفراقه اللـي ماهقيـت يصيـر
ثلاث ايام وانا اخـذ دروب الوصـل بالجـره
هنيك يالحمام اللي ليا ضاقـت عليـك تطيـر
تجوب الارض طول وعرض بين الحوم والكره
وانا مالي جدى الا اعدي المرقاب كل عصيـر
اطوّح صوتي المبحوح كـل عصيـر واجـره
الا ياليت للفرقا علـى وجـه الزمـن تحذيـر
يجوز من الهوى قلب الهواوي خيـره وشـره سعد الشيباني
