خلوووووها(اسمع يا سلطان الجذع)
ابو بندر17-Jan-2008, 09:32 PM
ياسلطان الجذع سلام مني ماعلاه اغبار=مع أ بداية سنة ميلاد وأول عام هجريه
اباعلمك عساك بخيروآخرموجز الأخبار=بعد طاح المطر هيا نبا رحلات بريه
سلطان الجـذع17-Jan-2008, 09:49 PM
هلا يامرحبا ترحيبه الماجوب والمقدار =على سلم الرجال ومن لفا ياربنا حيه
ليا طاح المطر في دياركم جينا لكم زوار =على تبع الحياء ماشين خياله ورجليه
ابو بندر17-Jan-2008, 10:10 PM
هلا يامرحبابك والدير في قبضة الأحرار=ملوك ابلادنا عاشوا وعشتي يالسعوديه
مدام الأمن سايد في البلاد وخيرها مدرار=حقوق الناس محفوظه مع الروحات والجيه
سلطان الجـذع17-Jan-2008, 10:26 PM
عسى ربي يحفظ الطياره والكبتن الطيار = ولو ان اجنحتها فالهوى تلعب هواويه
مدام انك دخلت السوق لاتامن من التجار =يخلطون العسل دايم بسم الداب والحيه
سلمان الروقي17-Jan-2008, 10:27 PM
أبو بندر
سلطان الجذع
صح الله السنتكم
إبداع×إبداع
ابو بندر17-Jan-2008, 10:51 PM
مطارات الدول مفتوحه لمن يعشق الاسفار=وبو وجهين لو سافر يجيك ابها دوينيه
ونا في السوق سلمي يغلب اليورو مع الدولار=وفي ذا الوقت انا عارف سباع الشمس والفيه
سلطان الجـذع17-Jan-2008, 11:08 PM
ياابو بندر ياابو بندر ..قبل مانمشي المشوار =انا ببداء معك من صفر واعلمك الالفيه
تقوله والعلوم يمين وانت عن العلوم يسار = تقول بضاعه حايرةٍ بسوق الشراطيه
ابو بندر17-Jan-2008, 11:28 PM
يا سلطان الجذع وشبك علومك يا العميل كبار=وش تعلمني من اعلوم انا خريج كليه
تسويلي مدرس فاهم وشاطر من الشطار=على غيري تمشيها الحركات الشورديه
سلطان الجـذع17-Jan-2008, 11:42 PM
علوم كبار جاتك من كبير الشعر والشعار =وعلى هالمستوى والله ولامعك ابتدائيه
لاتارد للعود الراهيه دام الحبال قصار =انا اظنك على ماقيل لاهذي ولاذيه
ابو بندر صح لسانك وعن اذنك انا طالع
ابو بندر18-Jan-2008, 12:06 AM
سلطان الجذع صح الله بدنك يا دكتور الشعر
وتصبح على خير
معجب العتيبي18-Jan-2008, 02:35 AM
عسى ربي يحفظ الطياره والكبتن الطيار = ولو ان اجنحتها فالهوى تلعب هواويه
مدام انك دخلت السوق لاتامن من التجار =يخلطون العسل دايم بسم الداب والحيه
هههههههههههههههههه
الله يرج سموكم
ابدعت يالجذع
وابو بندر شاعر يحمس اللي يلعب معه
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
