الثبيتي صفاته مايلي ..!!
زبن الدخيل01-Mar-2008, 10:24 PM
تركي البراق لاهنت ..
ياعتيبة عريبين الخوال = الثبيتي صفاته مايلي ..!!
ان مشى في تكبر واختيال = وان سطا نذبحه ذبح الطلي ..!!
عيد العازمي01-Mar-2008, 10:31 PM
رائع يازبن الدخيل
صح السانك
تركي البراق صح السانك مقدما
زبن الدخيل01-Mar-2008, 10:33 PM
الرائع أنت يالعازمي
صح بدنك
خالد المقاطي01-Mar-2008, 10:39 PM
الله الله
يازبن ابك انت وينك من البارح وانا ادور لك ؟؟؟
:)
وبأنتظار البراق
وصح اللسانه مقدمآ ..
متابع
زبن الدخيل01-Mar-2008, 10:41 PM
موجودين ياخالد :)
صح لسانك ولاهنت
تركي البرّاق01-Mar-2008, 10:41 PM
ياعتيبه كريمين السبال=جيت للجمّ وارخيت الدلي ..!!
والقثامي يسولف من خبال=والخبل لو تكلم وش علي .؟!!
زبن الدخيل01-Mar-2008, 10:58 PM
ياعتيبة ذريبين الفعال = صادر الجم دليانه خلي ..!!
والقثامي لياجاله مجال = يصطلي في شكالتكم صلي ..!!
قادح شرار01-Mar-2008, 11:10 PM
زبن الدخيل , البراق : صحت الألسن يالربع . مبدعين وشغلكم حامي.
واصلوا ومتابعين ..........
أخوكم/قادح شرار.
زبن الدخيل01-Mar-2008, 11:12 PM
قاادح شرار ياااااااهلا والله ومسهلا
الابدااع مرورك ياغالي
تركي البرّاق01-Mar-2008, 11:15 PM
انت مفرود مانت من الجمال=أفهم العلم والمخرج ملّي .!!
ماش عندك جنيه ولا ريال=وهرج فاضي نلقيه الخلّي ..!!
زبن الدخيل01-Mar-2008, 11:19 PM
كم مفرود قد شال الحمال = يوم هرش العرب ماينزلي ..!!
وانت ماجبت حتى راس مال = كيف بتعيش في وقت الغلي ..!!
زبن الدخيل01-Mar-2008, 11:21 PM
تركي البراق تصبح على خير
الوقت تأخر وورانا دوامااات
بكرة موعدنا ان شاء الله
علي فلاح العضياني01-Mar-2008, 11:22 PM
الله الله
زبن الدخيل +تركي البراق
شعراء مبدعين يعطيكم الف عافيه
حمد بن جوباح01-Mar-2008, 11:36 PM
.
..
الله الله يا شعـّـار الهيلا
القثامي والثبيتي
صحت ألسنتكم وبيض الله وجيهكم
محاوره حاميه نوعا ً ما :rolleyes:
متابع ..!
:)
.
.
.
تحياتي لكمـ ،،
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
