سقت المثايل مثل سوق المطايا

لا ساقني هاجوس فكـري وغنيـت=سقت المثايل مثل سـوق المطايـا
وسويت من عذبات الامثال سويـت=نـوادرٍ مثـل بعضـهـا حـلايـا
يجيلها في خافـق القلـب توقيـت=ولها وصوفٍ غيـر ولهـا مزايـا
واخذت من جزل البيـوت وتنقيـت=الهينـه ماهـي علـى مستـوايـا
وابدعت في مضمونها واستمريـت=بنظم الحروف الصامـلات الرهايـا
مابي بها من عند الاصحاب تصويت=وما لي وراهـا قصـود ولا نوايـا
لا والله الا فيض صدري الى أشيـت=واعنهـا واطلـع بـهـا للعـلايـا
ولا احكم على نفسي بحكم الطواغيت=الشعر لـه شعـار ولـه سجايـا
عمالقه في عرفهـم مـا تناسيـت=فحـول وزحـولٍ دهـاتٍ ودهايـا
واليوم شعـر مصمميـن التواليـت=عراض المتون مرافقيـن الصبايـا
لا يازمـن اللـي علينـا تولـيـت=و رحنا على درب المجنن ضحايـا
استغفر الله كان في قولـي اخطيـت=لكـن مـن كثـر البـلا والبلايـا
اغضيت عن بعض البشر لين مليت=وابديتهـا ماعـاد فيهـا خفـايـا

مبدع يا صنداح




قصيده رائعه تشكر عليها



بارك الله فيك

صح لسانك يالجزل..

قصيده رائعه وانت كذلك...

بيض الله وجهك ولاعدمناك،

صح لسانك يابو محمد

...

وبيض الله وجهك

...

قصيده جزله وانت راعيها

قصيدة جزلة

مشكور وماقصرت

واليوم شعـر مصمميـن التواليـت=عراض المتون مرافقيـن الصبايـا

لا يازمـن اللـي علينـا تولـيـت=و رحنا على درب المجنن ضحايـا

استغفر الله كان في قولـي اخطيـت=لكـن مـن كثـر البـلا والبـلايـا

اغضيت عن بعض البشر لين مليت=وابديتهـا ماعـاد فيـهـا خفـايـا

صح السانك ياصنداح

جزاله ولاغرابه

تقبل تحيتي وتقديري

صح لسانك

قصيده رائعه لاهنت

وبيض الله وجهك

..

الله الله يا صنداح ,,

صح لسانك حتى ترضى .. قصيده جزله ورائعه ..

وفي انتظار ما تقدمه من ابداعات ..

:)

أخوك..

الله الله
اخوي صنداح
صح لسانك يالغالي
أبدعت طال عمرك
مودتــــــــي