رسالتك وصلت حبيب مير ضاق ابن نعيم
سعود البرقاوي08-Dec-2009, 11:40 PM
عيد العازمي ،،، تعال جاي !!!
يالعازمي طرّف يدينك واستلمها فالصميم = بيني وبينك ماش فيه مجامله ومداهنه
رسالتك وصلت حبيب مير ضاق ابن نعيم = يالله لاتبلانا وشيءٍ صار لاتسكت عنه
مــــحــــمــــد08-Dec-2009, 11:51 PM
ههههههههههههههههههههههههههههه
طيب طيب يابو فهد صح لسانك
ولاكن الصف صف ابو طلال وفيني وفيك شوفت الله
سعود البرقاوي08-Dec-2009, 11:55 PM
هههههههههه
محمد
ترى نبي ننقض الاتفاقية والمواثيق
عيد العازمي08-Dec-2009, 11:57 PM
ههههههه جيت
آقول ماشا الله علاك ان كان ضدّيت الخصيم = ليلة مواجهنا علاك اتعدّها حسبة سنه!!
محدن طلب فزعتك ياسعود النفاعي من قديم = لكن لاتصبح دعابه فوق كل الالسنه!!
مــــحــــمــــد08-Dec-2009, 11:58 PM
لا ياخوك مره واحده ماتخرب الاتفاقيه الله يطول عمرك
<<<< صابته ام الركب
والله انك تخوف انت ايامك هاذي خصوصاً بعد الانظمام لنادي الهلال
عيد العازمي08-Dec-2009, 11:59 PM
محمد
هلابك
احسنت الاختيار
صفوف المشرفين رسميه شوي هههههههه
مــــحــــمــــد09-Dec-2009, 12:03 AM
انت تشوف يابو طلال هذا والله الحكم الدكتاتوري صدق
ياما معي ولا ضدي
ابو فهد مثل صدام الله لايوليه على مسلم :)
عيد العازمي09-Dec-2009, 12:04 AM
لا لا يامحمد
لاتقول مثل صدام يشنقونه ههههههه تراه غالي عندنا
مــــحــــمــــد09-Dec-2009, 12:08 AM
ودك ينفونه على شان نفتك منه ولا الشنق ان شاء الله مايجيه
ابك نمزح لايصدق الحين تراه حجازي :)
سعود البرقاوي09-Dec-2009, 12:11 AM
ههههههه يامرحبا بك
لاتحرق اعصابك تراني خابرك عقلك سليم = خذها بحكمه لاتهوّر ،، لاجل نعطيك حسنه
اوضاعكم فيها خلل والنار شبت فالهشيم = والسير لاوقف ترانا يالعوازم ندهنه
مــــحــــمــــد09-Dec-2009, 12:16 AM
سعود البرقاوي09-Dec-2009, 12:17 AM
هههههههههههههه
محمد
لازم هذا برستيج نادي الهلال
ونحاول نطبق بنود الشروط والمواصفات
تحياتي لك
عيد العازمي09-Dec-2009, 12:21 AM
تبقا
مدري نسميك الغريب اللي نصب نفسه زعيم؟=والا نسميك الحصون اللي يقال محصّنه!!
ادهن كفوفك بالشحم والامن فالديره مقيم = ضوّ العوازم كم عتيبي شاعمٍ ناره منه!!
مــــحــــمــــد09-Dec-2009, 12:24 AM
هههههههههههههههه
ياسلام ياسلام يابو طلال
عيد العازمي09-Dec-2009, 12:25 AM
محمد
عن صف كامل
لاعدناك انشهد
مــــحــــمــــد09-Dec-2009, 12:32 AM
ولايهمك يابو طلال على شانك ندبل الصف صفين
وبعدين ياخوك حنا نطرب ليا سمعنا ابياتك وابيات ابو فهد
سعود البرقاوي09-Dec-2009, 12:36 AM
طيب طيب
الفلسفسة ماتنفعك ياعيد والموقف عظيم = اسمي موثق ،، لكن اسمك ما انت قادر تضمنه
ماودنا الحذفة تجينا من هذيل ومن سليم = علّم راعى الهرش يتجود في قياده وارسنه
عيد العازمي09-Dec-2009, 12:44 AM
ياسعود لاتجمع عظامك كلها وسط البريم = نبا نلجّ الصوت بالاذان فوق المئذنه!!
موسى كليم الله ولاغيره على الدنيا كليم = علمبها اللي راهنك ياسعود ثم شيل ءرهنه!!
مــــحــــمــــد09-Dec-2009, 12:46 AM
طيب طيب
احتمى الوطيس
ودرجة الحراره ارتفعت
واصلو
عيد العازمي09-Dec-2009, 12:48 AM
محمد
ههههههههه
بالعكس ذبحنا البرد
واسهرنا المشرف المقرم سعود
مــــحــــمــــد09-Dec-2009, 12:53 AM
البرد ترا دايم مايصيب الا الشعار لأن تحركهم فكري فقط
اما الصفوف يتحركون جسدياً وفكرياً لذلك الحماس يزيد الحراره
عيد العازمي09-Dec-2009, 12:55 AM
ههههههههههه
حكيم يامحمد
مار ماعنك وعن البرد
سعود البرقاوي09-Dec-2009, 01:00 AM
راجع شريط الذاكرة فوق الصراط المستقيم = لاتتبع الشيطان والشيطان ربك يلعنه
آقول وش رايك نحولها على روضة خريم = ونحوّل المجرم على السجان خله يسجنه
مــــحــــمــــد09-Dec-2009, 01:03 AM
ههههههههههههههههههههههههههه
لا خربت انا الظاهر اني ابسري امرح :)
قبل يجي علماً ثاني
سعود البرقاوي09-Dec-2009, 01:03 AM
محمد
هههههههههههههه بلاش ازعاج تال الليل
ترى الناس رقوووود ;)
مــــحــــمــــد09-Dec-2009, 01:09 AM
ههههههههههههههههههههههههههههههههههههه
انا اسف يابو فهد ولاكن العتب على البطاريه :)
عيد العازمي09-Dec-2009, 01:09 AM
في مقبل الايام جعلك ماتضام ولا تضيم = والا الليال الفايته فيها علومٍ مزمنه!!
ماني محوّل والله الوهاب بالمد الكريم = دام الدعاوي مع رجال العرف دايم مبطنه!!
شاعر شعبي09-Dec-2009, 01:13 AM
الله
لايضركم يا هالثنين
علي الطلاااق انكم مجرمين شعر
طااااااااروق يسواله طواريق
اثر آخر الليل له ثمره:)
عزالله ابدعتوا
واصلوا لاعدمتكم
وانا في الصفين
<<< يعني دبلوماسي يبا الفيت
لكم الود والتحية والاعجاب
سعود البرقاوي09-Dec-2009, 08:13 AM
بالله قلّي ويش جابك بين زمزم والحطيم = شكلك تحاول تبعث الميت وحنا ندفنه
فالطايرة بكرة يجيك آخوك وافهم يافهيم = واخوك الاخر شاربه بالموس الابيض يحسنه
سعود البرقاوي09-Dec-2009, 08:16 AM
شاعر شعبي
مرورك يسعدنا بالحيل
ويشرفنا ياطويل العمر
حياك الله يالذيب
تحياتي
احمد منير الواصل09-Dec-2009, 08:32 AM
صح السنتكم والله يالعازمي وياسعود النفيعي
وابداع ياعيال العم الله لايهينكم
سعود البرقاوي09-Dec-2009, 08:33 AM
أحمد منير الروقي
لاعدمناك يالامير على هالحضور
تحياتي
حاكم الغنامي09-Dec-2009, 08:41 AM
الله الله
كلام كلام
صحت الالسن والقلوب
عيد العازمي09-Dec-2009, 09:38 AM
الله الله
يكرم كريم ولايهان الا هل الطبع اللئيم = وانت الكريم اللي من النعمه ماقد خلي صحنه!!
الطيّب اللي مايحسب حساب لعيال الحريم =وقت الضما والجوع ماشرب المياه الموسنه!!
عيد العازمي09-Dec-2009, 09:43 AM
شاعر شعبي
مرورك يسعدنا
وكلامك يشرفنا
لاهنت طال عمرك وصح بدنك
.....................................
أحمد منير الروقي
وافي يابو منير
جعلك تسلم
....................
حاكم
صحت ابدانك وكلك طال عمرك
عبدالله الاصعر09-Dec-2009, 09:50 AM
طاروق كايف يستحق الاشاده
بين سعودالبرقاوي وعيدالعازمي
بيض الله وجهيكم
تحياتي لكم
عيد العازمي09-Dec-2009, 09:54 AM
عبدالله الاصعر
وجهك ابيض
ومرورك كايف
وصح بدنك
سعود البرقاوي09-Dec-2009, 09:55 AM
استغفر الله مابغيت اقول معتلٍ زنيم = للي على ربعه ،، سلاحة بالرصاصة يشحنه
والدمعه اللي سالت البارح على خد اليتيم = لاجيت ابا امسحها طرت لي سالفة هنّ وهنه
عيد بن مرضي09-Dec-2009, 09:59 AM
سعود البرقاوي // العااازمي
صح الله اااااااااااااااااااااااالسنتكم
متاااااااااااااااااااااااااااااااااابعين لكم
عيد العازمي09-Dec-2009, 10:09 AM
ماعاد فيها مكنوي سمن ومعبّا فاليديم = حظ الجياع اللي تقضّ العمر فالواد السنه!!
ماودّي اغلط واعتبرك وماتقوله سيم سيم = سوات من عرّض بحر جده يداه ومحقنه!!
مــــحــــمــــد09-Dec-2009, 10:21 AM
هههههههههههههههههههههههههههه
اثركم ماخلصتو من بعض للحين
استغفر الله مابغيت اقول معتلٍ زنيم
للي على ربعه ،، سلاحة بالرصاصة يشحنه
والدمعه اللي سالت البارح على خد اليتيم
لاجيت ابا امسحها طرت لي سالفة هنّ وهنه
اهب اهب يالمجرم :)
ماعاد فيها مكنوي سمن ومعبّـا فاليديـم
حظ الجياع اللي تقضّ العمر فالواد السنه!!
ماودّي اغلط واعتبرك وماتقوله سيم سيم
سوات من عرّض بحر جده يداه ومحقنه!!
ياسلام ياسلام يابو طلال حيلك فيه
سعود البرقاوي09-Dec-2009, 10:24 AM
عان الامانة ويش سوّت فالعليا والنسيم = والرجل كيف يعيش عمره بين ذل ومسكنه ؟
لا يلحقك شكة وريبة ثم ادفك فالجحيم = يالعازمي ما جاك من فيض الكلام الا اسمنه
سعود البرقاوي09-Dec-2009, 10:27 AM
حاكم الغنامي
هلا بحبيب الكل ،، وين الناس ؟
عبدالله الاصعر
شهادة لاغنى لنا عنها
عيد بن مرضي
صح بدنك ولاعدمناك
محمد
والله ان حضورك اعطى القاف جو ثاني
لاهنت والله
عيد العازمي09-Dec-2009, 10:43 AM
اللي يقول السيل مايعقب ديار السيل ديم = من شلة اهل الميسره ماينحسب فالميمنه!!
الذيب مارده قليل الفيد فالليل البهيم = والله عليمٍ ياولد بالخافيه والبيّنه!!
هههههههه
ماعاد عندي قطره
يالمشرف المقرم
مار صح لسانك
يالزعــــــــــيـــــــــــــم
عيد العازمي09-Dec-2009, 10:44 AM
عيد بن مرضي
صح بدنك ولاعدمناك
والشكر موصول
لجميع من شاركنا
وتحيه خاصه للاخ محــــــــــمـــــــــــد
وللمبدع سعود البرقاوي
على اتاحة الفرصه للاستفاده
ناصر الجلاه09-Dec-2009, 10:48 AM
..
سعود البرقاوي .. عيد العازمي
..
فعلا قاف غير وشعراء غير
صح لسانكـ ياسعود البرقاوي وصح لسانكـ يابوطلال :)
دمتم
..
سعود البرقاوي09-Dec-2009, 10:48 AM
بارك الله فيك وفالساعة اللي جابتك يابو طلال
أسعدتني وشرفتني ونومستني
وهالقاف اعتبره فرصة للاستفادة منك طال عمرك
صح لسانك ولاعاد تقاطعنا
سعود البرقاوي09-Dec-2009, 10:50 AM
ناصر الجلاه
مرورك بالنسبة لي مهم للغاية
تحية لك يالامير
تحياتي
سعود البرقاوي09-Dec-2009, 11:47 AM
سعود البرقاوي
يالعازمي طرّف يدينك واستلمها فالصميم=بيني وبينك ماش فيه مجامله ومداهنـه
رسالتك وصلت حبيب مير ضاق ابن نعيم=يالله لاتبلانا وشيءٍ صار لاتسكت عنـه
العازمي
آقول ماشا الله علاك ان كان ضدّيت الخصيم=ليلة مواجهنا علاك اتعدّها حسبـة سنـه!!
محدن طلب فزعتك ياسعود النفاعي من قديم=لكن لاتصبح دعابه فـوق كـل الالسنـه!!
سعود البرقاوي
لاتحرق اعصابك تراني خابرك عقلك سليم=خذها بحكمه لاتهوّر ،، لاجل نعطيك حسنه
اوضاعكم فيها خلل والنار شبت فالهشيـم=والسير لاوقف ترانـا يالعـوازم ندهنـه
العازمي
مدري نسميك الغريب اللي نصب نفسه زعيم؟=والا نسميك الحصون اللي يقـال محصّنـه!!
ادهن كفوفك بالشحم والامن فالديـره مقيـم=ضوّ العوازم كم عتيبي شاعـمٍ نـاره منـه!!
سعود البرقاوي
الفلسفسة ماتنفعك ياعيـد والموقـف عظيـم=اسمي موثق ،، لكن اسمك ما انت قادر تضمنه
ماودنا الحذفة تجينا من هذيـل ومـن سليـم=علّم راعى الهرش يتجود في قيـاده وارسنـه
العازمي
ياسعود لاتجمع عظامك كلها وسـط البريـم=نبا نلجّ الصوت بـالاذان فـوق المئذنـه!!
موسى كليم الله ولاغيره على الدنيـا كليـم=علمبها اللي راهنك ياسعود ثم شيل ءرهنه!!
سعود البرقاوي
راجع شريط الذاكرة فوق الصراط المستقيم=لاتتبع الشيطان والشيطـان ربـك يلعنـه
آقول وش رايك نحولها على روضة خريم=ونحوّل المجرم على السجان خله يسجنـه
العازمي
في مقبل الايام جعلك ماتضـام ولا تضيـم=والا الليال الفايته فيهـا علـومٍ مزمنـه!!
ماني محوّل والله الوهـاب بالمـد الكريـم=دام الدعاوي مع رجال العرف دايم مبطنه!!
سعود البرقاوي
بالله قلّي ويش جابك بين زمزم والحطيم=شكلك تحاول تبعث الميت وحنا ندفنه
فالطايرة بكرة يجيك آخوك وافهم يافهيم=واخوك الاخر شاربه بالموس الابيض يحسنه
العازمي
يكرم كريـم ولايهـان الا هـل الطبـع اللئيـم=وانت الكريم اللي من النعمه ماقد خلي صحنه!!
الطيّب اللي مايحسب حسـاب لعيـال الحريـم=وقت الضما والجوع ماشرب المياه الموسنه!!
سعود البرقاوي
استغفر الله مابغيت اقول معتلٍ زنيم=للي على ربعه ،، سلاحة بالرصاصة يشحنه
والدمعه اللي سالت البارح على خد اليتيم=لاجيت ابا امسحها طرت لي سالفة هنّ وهنه
العازمي
ماعاد فيها مكنوي سمن ومعبّـا فاليديـم=حظ الجياع اللي تقضّ العمر فالواد السنه!!
ماودّي اغلط واعتبرك وماتقوله سيم سيم=سوات من عرّض بحر جده يداه ومحقنه!!
سعود البرقاوي
عان الامانة ويش سوّت فالعليـا والنسيـم=والرجل كيف يعيش عمره بين ذل ومسكنه ؟
لا يلحقك شكة وريبة ثـم ادفـك فالجحيـم=يالعازمي ما جاك من فيض الكلام الا اسمنه
العازمي
اللي يقول السيل مايعقب ديار السيل ديـم=من شلة اهل الميسره ماينحسب فالميمنه!!
الذيب مارده قليـل الفيـد فالليـل البهيـم=والله عليـمٍ ياولـد بالخافيـه والبيّنـه!!
سعود العصيمي09-Dec-2009, 01:33 PM
اوضاعكم فيها خلل والنار شبت فالهشيـم
والسير لاوقف ترانـا يالعـوازم ندهنـه
ادهن كفوفك بالشحم والامن فالديـره مقيـم
ضوّ العوازم كم عتيبي شاعـمٍ نـاره منـه!!
آقول وش رايك نحولها على روضة خريم
ونحوّل المجرم على السجان خله يسجنـه
ماني محوّل والله الوهـاب بالمـد الكريـم
دام الدعاوي مع رجال العرف دايم مبطنه!!
لا يلحقك شكة وريبة ثـم ادفـك فالجحيـم
يالعازمي ما جاك من فيض الكلام الا اسمنه
الله الله
هذه متى جت ياوجه الله
سعود البرقاوي
وعيد العازمي
بيض الله وجيهكم يالثنين
شعار كبااااار بكل ماتعنيه هذه الكلمة
صحت السنتكم
فواز السعيدي09-Dec-2009, 07:44 PM
ياسلام ياسلام ياسلام
قاف عمالقة للامانة
,,,,,,,,’’’’’’’’’’’’’’’’’’’,,,,,,,,,
وهنا بيتين تكتب بماء الذهب:
ماعاد فيها مكنوي سمن ومعبّـا فاليديـم
حظ الجياع اللي تقضّ العمر فالواد السنه!!
ماودّي اغلط واعتبرك وماتقوله سيم سيم
سوات من عرّض بحر جده يداه ومحقنه!!
ياسلام ياعيد
سعود مبدع في كل ماتكتب دائما
تحياتي
ماجد السميري10-Dec-2009, 04:42 PM
طاروق خمس نجوم
البرقاوي و العازمي
صحت السنتكم
وبيض الله وجيهكم
سعود البرقاوي11-Dec-2009, 06:13 PM
سعود العصيمي
فواز السعيدي
ابن عاقل
كل الشكر الجزيل على حضوركم
ومروركم وتشريفنا في هذا المتصفح المتواضع
تحياتي
