ماهتنت برقاد

يامل عينٍ ما هتنت برقاد=عافت منام الليل جاها هجاد
عينٍ ليا هجعت عيون الناس=كن في محاجرها دوى الرعاد
أتعب صخاف عروقها السهر=ودمعن هميله فوق خدي زاد
عينٍ مجافي موقها الكرى=ونفسٍ معيفه ماتذوق الزاد
وروابعٍ تطعن طعنها زرق=تطعن على قلبي بشلف حداد
داجن ولاجن بالضمير أفواج=أبني بلد وأرجع و هد بلاد
غديت أنا وهمي مع الأيام=وظروف وقتي والزمن بجهاد
متجودٍ في عروة الصبر=أصبر ولاكن الصبر مافاد
دنياٍ عسى الله يكفي شرها=دايم مساعيها تعب ونكاد
فأحذر تغرك عافيتك اليوم=بكره تموت ولا عنك نشاد
فلاميتٍ ألا ويبعث حي=ولاحيٍ ألا الموت له ميعاد
ولا كل برقٍ لاح ينثر ماه=ولا زرعٍ أثمر غير له حصاد
ولا كنت حبرٍ فالرجال أحبار=ولابد صياد الفهود يصاد
ولا غايب ألا حجته وياه=ولا جمعه ألا مقتفيها بعاد
حبيت أراسل بعد طول غياب=للصاحب اللي للجروح ضماد
أقبل تحياتي مع التقدير=أمعطرة بالمسك وريح زباد
وصلو عدد ما ذعذعن النود=وأعداد مايخضر ورق بأعواد
على نبينا محمد المختار=صفوة قريش اللي بنى الأمجاد

صح لسااااااااااانك ملايين

قصيدة جزلة يالجزل
لا تحرمنا جديدك
ولاتكزن الأولى والأخيرة حذراااا

..
قصيده وافيه وجزله
صح لسانكــ ... وبيض الله وجهكــ

...

صح لسانك يا أبراهيم

قصيده جميله على طرق رائع


استمتعت بقرائتها

ننتظر جديدك


محبك

مرحبابكم وصحت ابدانكم

ونورتوا الصفحه

صحت ابدانكم