الطيب ساسه من على جدي وزريب=درب الشيوخ اللي مشوبه مشابه | قصيده لشاعر ناصر الغنامي

بسم الله الرحمن الرحيم


اللهم صل على محمد وعلى آله وصحبه أجمعين


السلام عليكم ورحمة الله وبركاته


هذي قصيد لشاعر ناصر بن ثعيل الغنامي في الشيخ بدر بن جدي بن زريبه ..



ياهل الجيوب اللي تبون المعازيب=والجو برد ومستهلٍ سحابه
نصوهن اللي من سلالة هل الطيب=عدو لشيخٍ من مشايخ عتابه
حرٍ تعلا عاليات المراقيب=رقى سنام المجد لين اعتلى به
الطيب ساسه من على جدي وزريب=درب الشيوخ اللي مشوبه مشابه
اللي لو احصر مجدهم بالمكاتيب=تعبت واتعبت القلم بالكتابه
ماحط له عن منهج ابوه تجنيب=لاشك في كل الأمور اقتدابه
من جدي اخذ خبرة دروس وتجاريب=راين سديد وقو باس وصلابه
هذاك ابو سلطان موف المطاليب=في ساعة الميقاف يحسب حسابه
اليا بغى يشفي جروحٍ معاطيب=واليا جرح جرحه عطيبٍ صوابه
شيخٍ يقابلكم بكثر التراحيب=بيته عن الضيفان ماصك بابه
تلقون عنده كاملات المواجيب=في مجلسٍ يجمع ضيوف وقرابه
عطوه ظرفٍ فيه بعض التعاجيب=وانتم عن اللي مرسله بالنيابه
ظرفٍ لزومي داخله سهل وصعيب=واليا قرى خطٍ لفاه اعتنابه
وقول المثل لاشك مافيه تكذيب=(من لم ييكن ذيبٍ كلته الذيابه)
سلامتكم

صح لسان الشاعر/ ناصر الغنامي


ويستأهل الشيخ / بدر بن جدي بن زريبه المدح


ولد عساف لاهنت على النقل


تحيتي

.
.
.
.



وانت سالم وغانم..

يستاهل بدر بن جدي اجزل القصيد ، لانه أهل للثناء

والفخر،، وصح لسان الغنامي على الجزالة.

وتسلم على النقل الزين.
.
.
.

.
.
.
.



وانت سالم وغانم..

يستاهل بدر بن جدي اجزل القصيد ، لانه أهل للثناء

والفخر،، وصح لسان الغنامي على الجزالة.

وتسلم على النقل الزين.
.
.
.

الطيب ساسه من على جدي وزريب...............
.................... درب الشيوخ اللي مشوبـه مشابـه\
\
\
\

الله يرحم الشيخ جدي ابن زريبه ويستاهل بدر ابن جدي

الله الله

قصيدة في قمة الجزاله والابداع

ويستاهل بدر بن جدي

والغنانيم مافيهم حيله

شعرهم دايم يجي رائع

صح لسانه

وسلمت يمينك ياولد عساف