من روائع الشاعر ناصر بن ضويحي الحنتوشي

السلام عليكم ورحمة الله وبركاته
هذه قصيده من قصائد المبدع ناصر بن ضويحي الحنتوشي


معشوقتي جري القصايد مواويل

لين الهواوي يستلذ بغرامه

مع الفجر والظهر وان خيم الليل

ونوحي ليا من غبت نوح الحمامه

ايه .. افخري بي .. ماعشقتي لك خبيل

ويفداك رجل(ن) ماتشيله عظامه

والى سألك منقل القال والقيل

من هو حبيبك عرفينا مقامه ؟

قولي حبيبي بينكم كنه سهيل

بين النجوم بطلعته واعتصامه

وان ضايقك يام الرموش المضاليل

لاتدفني راسك سواة النعامه

تنومسي بي لعنبو بارد الحيل

مايلحقك يابنت فيني ملامه

قولي حبيبي .. آية العصر بالجيل

قرم(ن) ينومس من يحب القرامه

من متعبين الخيل ذباحة الحيل

لطامة العايل فحول الزعامه

نذر(ن) علي والنذر مافيه تبديل

ياعاذلك مايهتني في منامه

قلته وانا قد الليالي المقابيل

من داس لك جره تراني كعامه

وان كان ماني من خيار الرجاجيل

عطيني البرقع ودوك العمامه

وان كان ماني من خيار الرجاجيل

عطيني البرقع ودوك العمامه


صح لسان الشاعر

بيت شهير ومعروف

شكرا لك اخوي الغربي

مشاركه راااااائعه

لك كل التحيه

ذيبان

العفو ياذيبان

والشاهد بالقصيده

من متعبين الخيل ذباحة الحيل

لطامة العايل فحول الزعامه



مشكور ياذيبان على المتابعه لاعدمتك يابيض الوجه

الأخ الغربي أشكرك علي القصيدة الرائعة

ولكن عندي سؤال هل هو الشاعر الكويتي / ناصر الضويحي العتيبي

وتقبل تحياتي

بيض الله وجهك ياولد روق
وتسلم على نشرها ومثل القصايد هاذي لزوم انها تنشر بيض الله وجهك ووجه الحنتوشي
ونتظر جديدك ياولد روق

الغربي

لاهنت على القصيده

تحيااااااااااااااااتي

تسلم يمناك يالغربي..

بيض الله وجهك ووجه الحنتوشي..

ونتظرالجديد...

كلام طيب

الغربي

لاهنت

مشكورين على المتابعه ولاعدمناكم

وبالنسبه للشاعر ناصر بن ضويحي الحنتوشي فهو شاعر سعودي وله مده ساكن بالكويت ياخوي متيم عتيبه وهو الشاعر المشهور ناصر ضويحي العتيبي ياخوي متيم عتيبه

ارجوا من الاخوان المشرفين تنسيق هذه القصيده النادره

بيض الله وجهك ووجه الحنتوشي

لاهنت على القصيده

الغربي بيض الله وجهك


يعطيك العافيه

لاهنت على النقل الجميل وصح لسان الشاعر

صـــــح الســــانكــ يأبـو العـــز

ولاهنت يالغااالي على تنزيل القصيده لك اطيب تحياتي



وان كان ماني من خيار الرجاجيل

عطيني البرقع ودوك العمامه