10-Jul-2005, 11:49 PM
يا صاحبي
وراك يا صاحبي بالحيل مشتق ### شايل هموم(ن) يا ولد ما لها حدّ
خير أطلبك علّم علامك مدقدق ### ما كنّ لك عمّ(ن) ولا لك بعد جدّ
يا صاحبي هوّن عليك التحملقّ ### يـفـداك راسي تـنفرج لو تسـددّ
ما كلّ شدّه غير ياخوك تفتقّ ### لا لا تحسّب يا ولـد ولا تـعـددّ
إن صدّت اليومه تبي باكر اطقّ ### وإن غمّضت يا شين من شان تـتلدّ
لايزعجك من قال ولا من تمنطقّ ### يـفـداك خاطر صـاحبك قـمّ تجـلـّدّ
يا صاحبي والله ما هو تملقّ ### أقـولـها بالـصدق ولا ني متـرددّ
يا صاحبي مالك مالك أبد حقّ ### تـزعـل وأنا حـولك أبد لا تـنـهدّ
يا شين هالكشره وحزن(ن) معمقّ ### ويـالـيـتها تـسـوى لأحـزّن وأحـددّ
قمّ عاين بخشّك مابه تلقلقّ ### دافـن يمينك دافنه بأوسـط الخـدّ
لا تحمل الهم المعنى وتشتقّ ### علّم عـن اللي بخاطرك لا تـصـددّ
عطني همومك وازهله ولا تشدقّ ### ولا تجـبر الصـاحـب يهفّك بها الـيـدّ
ترى ان تنكّـس خاطري أتحمّـقّ ### وإن زاد صـمـتك أنـفـجـر واتـشـددّ
اضحك وجع يا شين وامزح وطقطقّ ### واصبر وصابر واصطبر ولا تـنـكـدّ
ما دام لك مثلي أبد لا توهقّ ### يفداك مالي ودونك المال مـا عـدّ
حافظ على دينك وخوة هل الصدقّ ### يا صاحبي بالدين تفرح وتـسـعـدّ
قمّ طيّب اشماغك بعود(ن) معتـقّ ### وقمّ نقـهـر الـدنيا وهاليـد باليـدّ
يازين هالصاحب على أخوه مشفقّ ### ما هو كـمـا حالي وحـيـد امتوحـدّ
من كان له صاحب عليه يـترفـقّ ### ويجـبـر بخـاطر صـاحبه ثمّ يركــدّ
ويـكـرّمه لا جاه وإن جاه يطلقّ ### بـشاشة(ن) بالبـِشـر واسلوب هـدهـدّ
يابخت من له صاحب(ن) ما تمطقّ ### مـن كـان لـه مثله عـليه ايـتـجـوّد
ويحفظ غيابه عن هل الغي والنقّ ### وان زلّ ينصح نـصـح مـابـه تـشـددّ
ومن كان له صاحب يغثّه ويقلقّ ### لا والله ألا قـلـعـتـه بـاب مـوصـدّ
ابعد عن اللي خوته زيت لابقّ ### ما ينفعك هـبقات هـزله كما الـجـدّ
ما ينفعك لو كنت طايح مفلّـقّ ### ولو تـطـلبه مـا أعطاك ولو قال زوّد
لا يقربك مثله ومثله ترى امحقّ ### لا يـقـربك ياخـوك وابـعـد وبـعـدّ
واختامها صلّوا عدد كل معتَـقّ ### واعـداد من صـلّى وزكى وتـشـهـدّ
على النبي محمد اللي تصدّق ### وأفنى حلاله ودرعه اليوم يـشـهـدّ
قصيدتي يا ناس لازم توثـقّ ### باسمي وتوقيعي وأنا اسمي مـحـمـدّ
وسلامتكم
وراك يا صاحبي بالحيل مشتق ### شايل هموم(ن) يا ولد ما لها حدّ
خير أطلبك علّم علامك مدقدق ### ما كنّ لك عمّ(ن) ولا لك بعد جدّ
يا صاحبي هوّن عليك التحملقّ ### يـفـداك راسي تـنفرج لو تسـددّ
ما كلّ شدّه غير ياخوك تفتقّ ### لا لا تحسّب يا ولـد ولا تـعـددّ
إن صدّت اليومه تبي باكر اطقّ ### وإن غمّضت يا شين من شان تـتلدّ
لايزعجك من قال ولا من تمنطقّ ### يـفـداك خاطر صـاحبك قـمّ تجـلـّدّ
يا صاحبي والله ما هو تملقّ ### أقـولـها بالـصدق ولا ني متـرددّ
يا صاحبي مالك مالك أبد حقّ ### تـزعـل وأنا حـولك أبد لا تـنـهدّ
يا شين هالكشره وحزن(ن) معمقّ ### ويـالـيـتها تـسـوى لأحـزّن وأحـددّ
قمّ عاين بخشّك مابه تلقلقّ ### دافـن يمينك دافنه بأوسـط الخـدّ
لا تحمل الهم المعنى وتشتقّ ### علّم عـن اللي بخاطرك لا تـصـددّ
عطني همومك وازهله ولا تشدقّ ### ولا تجـبر الصـاحـب يهفّك بها الـيـدّ
ترى ان تنكّـس خاطري أتحمّـقّ ### وإن زاد صـمـتك أنـفـجـر واتـشـددّ
اضحك وجع يا شين وامزح وطقطقّ ### واصبر وصابر واصطبر ولا تـنـكـدّ
ما دام لك مثلي أبد لا توهقّ ### يفداك مالي ودونك المال مـا عـدّ
حافظ على دينك وخوة هل الصدقّ ### يا صاحبي بالدين تفرح وتـسـعـدّ
قمّ طيّب اشماغك بعود(ن) معتـقّ ### وقمّ نقـهـر الـدنيا وهاليـد باليـدّ
يازين هالصاحب على أخوه مشفقّ ### ما هو كـمـا حالي وحـيـد امتوحـدّ
من كان له صاحب عليه يـترفـقّ ### ويجـبـر بخـاطر صـاحبه ثمّ يركــدّ
ويـكـرّمه لا جاه وإن جاه يطلقّ ### بـشاشة(ن) بالبـِشـر واسلوب هـدهـدّ
يابخت من له صاحب(ن) ما تمطقّ ### مـن كـان لـه مثله عـليه ايـتـجـوّد
ويحفظ غيابه عن هل الغي والنقّ ### وان زلّ ينصح نـصـح مـابـه تـشـددّ
ومن كان له صاحب يغثّه ويقلقّ ### لا والله ألا قـلـعـتـه بـاب مـوصـدّ
ابعد عن اللي خوته زيت لابقّ ### ما ينفعك هـبقات هـزله كما الـجـدّ
ما ينفعك لو كنت طايح مفلّـقّ ### ولو تـطـلبه مـا أعطاك ولو قال زوّد
لا يقربك مثله ومثله ترى امحقّ ### لا يـقـربك ياخـوك وابـعـد وبـعـدّ
واختامها صلّوا عدد كل معتَـقّ ### واعـداد من صـلّى وزكى وتـشـهـدّ
على النبي محمد اللي تصدّق ### وأفنى حلاله ودرعه اليوم يـشـهـدّ
قصيدتي يا ناس لازم توثـقّ ### باسمي وتوقيعي وأنا اسمي مـحـمـدّ
وسلامتكم
