ابن حميد ياختار الطلب الاخير وهو الحــــرب !!؟

قال تركي بن حميد مخاطبا الشيخ محمد بن هادي عندما نزل بعتيبه براري قحطان بنجد قبل اخذ العاني فغضب ابن هادي وطلب رجوعهم واما خفرهم والا الحرب فاختار تركي وجماعته الطلب الأخير

حيث قال ابن حميد
خط القلم واكتب لنا ياسليمان 00000 اكتب لنا جعلك تطب الجناني
جعلك تطوف البيت مع كل الاركان 000000 وتصلي الجمعه بها دور ثاني
لنا رفيق مانبيعه بالاثمان 00000عبد مطوع شاعر مطرباني
قم كيّف الطبخه ترى بان لي شان000000 مشتان في شان شانٍ عناني
بريه من سوق صنعا ونجران 000000 يعبا لها بالهيل والزعفراني
نخسر لها لو كان تغلى بالاثمان 000000 لاهابها خطو الصبي الهداني
بصين يبدّي فيه ذربين الايمان 000000 بكفوف عيال قروم ذهاني
ياراكب من فوق سلسات الاقران 000000 فج العضود وساسهن من عماني
فج العضود فخوذهن تقل بيبان 0000000 وساع الزغون مؤخرات النفني
ملفاك من يروي شبا مقدم الزان 000000 عيد الركاب اللي بها الحيل واني
شيخ نشا بالطيب من روس قحطان 0000000عاداتهم فك الحسب والعواني
مطلوبكم ياشيخ به زود حقران 0000000 والذل ما يرضاه عرب المجاني
لو ان مطلوبك على مثل ماكان 000000 خفت مداريجه علينا وهاني
ادري كلامي عن عدو وسفهان 000000 لزازة المجلس وجيه الحصان
للهرج ميدان وللرمي نيشان 0000000 ومفتاح صندوق الضمير اللساني


::: وانشاءالله تعجبكم القصيده ::

تسلم اخوي


على هذه المشاركة الطيبة

مشكوو اخوي ابو عيدالبرقاوي

وشكرا لطرحك الموضوع

مشكور اخوي ابوعيد البرقاوي على هذة القصة القصيدة الجيدة ومرة اخرى مشكور.

السلام عليكم ... ومساكم الله بالخير جميع
ابوعيد ... جزاك الله خير على نقل هالقصيدة الرائعة ... لكن فيه خطا وانا اخوك في ترتيب شطري الابيات ... لعلك تراجعها ... وسلمت ودمت .

اولا اعتدر لاني نسخت القصيده خطا واطلب السموح من الجميع
ولقد لاحظة هذا الخطا متاخرا ورجوا السموحه من الاعضاء والزوار
ثانيا اخــــــــــــــــــــوي ((((((((ذوخمار)))))))) انا حسب المرجع اللي عندي وماشاءالله عتيبه منصوره من عند الله





الــــــــــــــــــــــــــــــــــــ/ـــــ/ــــ/ــــــــــموحـــــــــــــــــــــه

بيض الله وجهك يالبرقاوي

لاهنت يابوعيد
على هالقصيده العظيمه ورحم الله الشيخين
واموات المسلمين