قصيدة موجهه إلى الامبرطور طميش

قصيدة حلوة بصراحة وتصف الحال

هذا واحد من الشعراء الشباب كتب قصيدة وأرسلها لولد عمة طميش





يا طميــش ما ودّك نحـــرر فلسطين =و نثيــر في قلــب اليهود الجـزاعه

نسطـي عليــهم مــع قــروم ٍ شيـاهين= و نــدبهـم دبــة سنــه بنــص ساعه

و نجـــز روس ملفقيــن العنـــاويــن = الارض صـارت في يديهم بضاعه

و نوجــه الحمـله علــى سور برلين= و نطـبق انـواع القتـــل و البشــاعه

و نحتل رومــا و انتــعـدى المحيطين = و نعيّــش الغــرب بعـذاب و مجاعه

و ان كـان فينا نفـس حيـه و نشيطين= و فينا على ما قيل بعض الشجاعة

ناخذ لنـا صـوله علـى الهند و الصين = و نهــدم لهــم ســور ٍ كبير ارتفاعه

و احكـم انـا و اقــوم احــط القوانيـن= ما غيــر تسمـع قول سمع ٍ و طاعة

اعـــدم ملاييــن و اعتـــق مـلاييــن= و انــوّخ الكـــوكب بفـــن و بـراعه

الفيــلــم خلــص و انتـهــن المضامين = نـار ٍ طفــت يا فــلان قبل اندلاعه

حنـا عــرب مافيــه شــك ٍ مســاكيــن= نصنــع شمـوخ ٍ بالسوالف صناعه

فيـنا الــولـد لا قــال يحـكـم سلاطيـن = لســانه اطــول لا حكى من ذراعه

تبي الصراحة ..عاد..مامن فلسطين = خلني اقيّـــل يا ولد نص ســـاعه


منـقوووول

الله يـعطيك الف عافيه على النقــل اخوي ابو ضيف الله

لك مني جزيل الشـكر وأجل التقدير

اخـوك:محمد العريـــدي

دمت بخير

ابو ضيف الله
صح لسان الشاعر وسلمت يمناك
والشكوى لله العرب في هذا الوقت في ضعف وذل
لكن كما وعدنا الرسول صلى الله عليه وسلم سيعزنا الله اذا رجعنا للاسلام
لأن الله لايبدل مابقوم حتى يبدلوا مابانفسهم


تحيتي ...........

لاهنت على القصيده يبو ضيف الله

الله يـعطيك الف عافيه على النقــل اخوي ابو ضيف الله

لك مني جزيل الشـكر وأجل التقدير