مطلوب شاعر للاهميه

السلام عليكم ، ، ،

اخواني الشعار اللي فاضي ولا مروق ولا عنده
دوام يجي نبى ناخذ لنا مع هالطاروق سجه بليا
هموم وطواري و اسمعوا لا هنتوا

يا سلام الله على اللي للقوافي يفتلوني = الشعر كابر وعن كابر وهم يتوارثونه


محمد النثري يجيد اللعب في كل الفنوني = وربعه عتيبه زحول الحرب ما ترضى المهونه

تحياتي للجميع
الوافي

صبحك الله بالخير يامحمد وتراا الاولى للي ادخل محاوره ياولد الشياب .. بس لجل عين تكرم مدينة:

صباحك ورد يامحمد ودوك الشعر وجنوني
................................. نبى نحرك لك الطاروق ونسيّر لك فنونه

تتل القلب من صدري بطاري الهيلا ياعوني
.................................سناهم قبلة العاشق هل الهيلا بيتلونه


والسموحة أن جاء قصور

والبقا بك يا مسلم وربعك ينشدوني
قالو بني هاجر شعاروالشعريدرسونه

مسفر الهاجري شاعر وبا العب ملسوني
وربعي اهل الشجاعه وحربناما يوصفونه

يا هلا يا مرحبا باللي يغني با للحوني
................................ شاعر با لشعر لن غنا تشوقني لحونه
نعم با لعزوة وربع في المواقف يعتزوني
................................والعطاوي ضربته في الراس والا في متونه

شليويح العطاوي

يدوم بك البقا ياشليويح عد هل المزوني
....................................وعد نبت الزهرفي ريحه ولونه
ربعنا وربعكم في الموافق ما يقفوني
.................................. والهاجري ضرتة بين الضلوع وعيونه

وين ردك يا محمد النثري
في انتظار ردك يا الوافي

شليويح

رد علي ولا عطنا قاف ثاني

انااااااااااا ودي ارد لكن والله مااعرف للوزان