راع العلطا ,,,حصل فالجو غيم !!!!
سلطان الجـذع08-Aug-2007, 10:15 PM
الليله الليله نرجعها على الطرق القديم =والله يبارك في هجوس ماتكب الوافيه
ياراعي العلطا حصل تال الزمن فالجو غيم =والا منول كل الاجواء يالسحاني صافيه
راع العلطا08-Aug-2007, 10:29 PM
حنا حضرنا في طلبكم يازعيم ابن الزعيم=وانا احمد الله بالغناه ونحمده بالعافيه
ياصاحبي وش عكر الاجواء على الرجل الفهيم=لعل ماجتكم حرابه مثل حرب المافيه
سلطان الجـذع08-Aug-2007, 10:36 PM
مااجهلك ياراع المقام الزين والنهج القويم =لكن تال الوقت يالطيب تعد خلافيه
ياللي تحاول تفرق بريده عن حدود القصيم =مانخبر البردان فرط فالعباه الدافيه
راع العلطا08-Aug-2007, 10:48 PM
مابه عباةٍ ياوسيع المعرفه خلك حليم = لاتشعل الفتنه وخل النار دايم طافيه
اخبر علومٍ هّجت العالم كما وصف الظليم = احْمد ولي العرش لبسك الهدوم الظافيه
مخلف الهقاوي08-Aug-2007, 10:51 PM
ياسلام ياسلام
هذا والله العلم
سلطان & راع العلطا
محاوره من الوزن الثقيل
صحت السنتكم ومتابع:)
راع العلطا08-Aug-2007, 11:14 PM
مخلف الهقاوي
صح بدنك ولاهنت على مرورك
المشرف
مرزوق حمدان العتيبي08-Aug-2007, 11:17 PM
..
.
ياللي تحاول تفرق بريده عن حدود القصيم
مانخبر البـردان فـرط فالعبـاه الدافيـه
صح لسانك ياسلطان ... ومنك لايستغرب الابداع ايها
الامبراطور ....
اخبر علومٍ هّجت العالم كما وصف الظليم
احْمد ولي العرش لبسك الهدوم الظافيـه
راع العلطا ابداع وجزاله غير مستغربه ...
خالد المقاطي09-Aug-2007, 02:09 PM
راعي العلطا // سلطان الجذع
ياسلام ياسلام
ابداع غير مستغرب عز الله البارح طافني شي(ن) واجد :)
لاهنت على امتاعنا
سلطان الجـذع09-Aug-2007, 09:10 PM
قد قيل فالامثال مارد الكريم الا اللئيم =وانته معلم ماتعلم والاشاره كافيه
علم بدون اثبات خله وسط صدرك ياحكيم =انا معي مجهر يبين لي دفين القافيه
سلطان الجـذع09-Aug-2007, 09:11 PM
مخلف الهقاوي
حياك الله اسعدنا
مرورك يابن غنام
سلطان الجـذع09-Aug-2007, 09:12 PM
مرزوق العتيبي
لن توفيك كلمات الثناء حقك
يااستاذي
ولكن ...يكفي تعليقك على الموضوع
سلطان الجـذع09-Aug-2007, 09:13 PM
كعام المعادي
بيض الله وجهك على الحضور والتشريف
ولافات غير الشر يابن العم
راع العلطا09-Aug-2007, 09:17 PM
ان طعتني ياصاحبي اخذ الطريق المستقيم = خل العلوم الماضيه يسفي عليها السافيه
علمك يابن عساف خله سجله ظمن اليتيم = احذر تخل العلم لاينشر على الاطرافيه
راع العلطا09-Aug-2007, 09:18 PM
مرزوق العتيبي
كعام المعادي
مشكورين على المرور المشرف
وصت ابدانكم
سلطان الجـذع09-Aug-2007, 09:37 PM
انت تعرف ام الولد وانت تعرف اللي عقيم =وحنا سوى ياصاحبي فالدار والميقافيه
ضاعت علومك يوم هبت لك ذعاذيع النسيم=احذر تسوق الزمل يمي والحمول خفافيه
راع العلطا09-Aug-2007, 09:54 PM
انا نصحتك مير شب النار في وسط الهشيم = واليا دفعت الزمل يمك جاتك العرافيه
بكتب ثلاث حروف ياسلطان وازود بميم = ايات منا ياولد عساف يركض حافيه
سلطان الجـذع09-Aug-2007, 10:06 PM
هو ليه اشب النار وانته صاحبي مانت بخصيم ؟=انا انتاقش في موضوع زل وطافيه
اشره عليه كان علمي مايوقع فالصميم=ابني على سيسان وادري بالعلوم الخافيه
مرزوق حمدان العتيبي09-Aug-2007, 10:06 PM
...
.
سلطان وراع العلطا ...
بدون مجامله ... اعجاب لهذا الابداع المتقن
في الفتل والنقض ... هكذا اللعب وإلا فلا ....
متابع للاستفاده ....
سلطان الجـذع09-Aug-2007, 10:13 PM
...
..
.
مرزوق العتيبي ..يكفينا فخر
هالاشاده منك ..واشكر ك
على المتابعه ...
راع العلطا09-Aug-2007, 10:21 PM
مافات خله وانتبه من خوف يضحك بك غشيم = حنا نعرف السيف ياسلطان والسيافيه
اليا بنيت البيت ياسلطان ماجاء البيت ظيم = ميز وفكر في بيوتك مانبى الاسلافيه
سلطان الجـذع09-Aug-2007, 10:26 PM
راع العلطا بيض الله وجهك على قبول دعوتي واللعب معي
وتشرفنا باللعب معك واستفدنا من تجربتك بلاشك
ولنا لقاء في حلقات قادمه ان شاء الله
ذيب اسعدي09-Aug-2007, 10:41 PM
بيض الله وجيهكم طرق كايف بلا شك
محمد العضياني10-Aug-2007, 04:45 PM
مابه عباةٍ ياوسيع المعرفه خلـك حليـم
لاتشعل الفتنه وخل النار دايـم طافيـه
علم بدون اثبات خله وسط صدرك ياحكيم
(انا معي مجهر يبين لي دفيـن القافيـه)
سلطان الجذع وراع العلطا
محاورة تستحق القراءة
صحت السنتكم
وتقبلوا تقديري
راع العلطا12-Aug-2007, 03:21 PM
سلطان الجذع الشرف لي
لاهنت وصح لسانك يالغالي
راع العلطا12-Aug-2007, 03:22 PM
ذيب اسعدي مشكور على المرور
راع العلطا12-Aug-2007, 03:23 PM
البواردي صح بدنك لاهنت على المرور
صقر نايف العتيبي12-Aug-2007, 04:01 PM
حنى عتيبه لطرانا القول
تخشانا كل القبايل رهبه وخوف
فارس الباديه12-Aug-2007, 04:42 PM
سلطان الجذع + راع العلطا ... بيض الله وجيهكم وصحت السنتكم وحنا المتابعين استفدنا منكم ايضا لا هنتوا
نايف بن ملحق الثعلي12-Aug-2007, 05:41 PM
راع العلطا سلطان الجذع صحت السنتكم
راع العلطا13-Aug-2007, 11:09 PM
صح بدنك الاخ نايف ويشرفنا حضورك
نازح البيد19-Aug-2007, 11:27 PM
بيض الله وجيهمك يا سلطان وراع العلطا
وصحت السنتكم
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
