المهمهية

بسم الله الرحمن الرحيم

السلام عليكم ورحمة الله وبركاته , ومساكم الله بالخير جميعا
قصيدة من قصايدي الغزلية وهي تعبر عن نفسها:




ماعليـة وان بديـت بهالقصيـدة ماعلـيـة=من همومي من جروحي من غثاها اللي وراها
والله اني ماأشيـل مـن الهمـوم الا القويـة=لين باحت بالسريـرة والعنـا قـرًب مداهـا
ياقصيـدة اذرفـي دمعـة عيونـك الشقيـة=ويا قلم هات الحبر والحبر دمعة مـن بكاهـا
وأذكرينـي ياقصيـدة فالليـال السرمـديـة=خلي دلوك في قليب القلب يغرف عذب ماهـا
وانثري قصة غرامـي أو غـرام المهمهيـة=العيون اللي على سكة سفر يضـوي سناهـا
اركض بما فـيً والرجليـن ماهـي بالقويـة=شوفةٍ بالعين ياسلطـان جابـت لـي عماهـا
والله اني مااحتمل والصبر مالـه فـيً نيـة=صاحبي وان كان تعرف هذي البير وغطاهـا
صاحبي قلط علـى قلبـي وهـاك الشاذليـة=في زمـانٍ ماتلاقـي للحـلا سكـر حلاهـا
ويش ابدي ويش اوخر يالحـروف الابجديـة=وانا رجلي في دروب الحب تاقع في خطاهـا
متيمٍ هالقلـب فـي حـب اجوديـة يعربيـة=ياعرب قلبي ذبحني من غلاها فـي غلاهـا
روحت بالقلب عنـوة وراح معهـا كالسبيـة=وصرت فاهي ومن نشدني قلت هاه وهاه هاها
وفي هواها صرت اشمك يالورود النرجسيـة=ليـن ميًـزت الحدايـق فالمقابرمـن هواهـا
بنيةٍ فيها الحلا والزيـن ماهـو فـي حليـة=لخبطت اوراق ذهني ثم راحت فـي خطاهـا
ان رآها ابن الملـوح قـال تلـك العامريـة=وان رآها عنتـرة قـال المحبـة وا عناهـا
مابقول ان الخشم كالسيـف والرمشيـن فيًـة=أوشعرها ليل والشفـة كجمـرة فـي لظاهـا
ومابقـول ان العيـون الذابـلات المفتـريـة=تذبح العاشق ليـا منـه نظرهـا واحتواهـا
ومابقـول ان الخـدود وغمزتيـنٍ داخلـيـة=من جبل لبنان تفاحة وحظ اللي ...كلاهـا :)
ومابقول ان القوام الخيـزران او لعـب حيـة=ان تثنت مالوا الحضار مـع ميلـة عصاهـا
ومابقول ان الحواجب تردف هلال الضحيـة=خايف من اهل الحسد تقلع عروقٍ في ثراهـا
وردةٍ لا مرت البستان في وقـت اضحويـة=تخطف الانظار لكن من بغاهـا مـا جناهـا

صحل لسانك
قصيده اكثر من رائعه
يعطيك العافيه


وتقبل مروري