الشاعر نايف بن شالح

بسم الله الرحمن الرحيم
السلام عليكم ورحمة الله وبركاته
امسي على جميع الأعضاء بالخير
وحبيت أبدأ بأول مشاركاتي بالمنتدى وهي عبارة عن قصيدة
للشاعر نايف بن شالح الهراني المقاطي (رحمه الله)
وهي مسنده لإبن عمه زبن بن سهول اطال الله في عمره
وأتمنى أن تحوز على رضاكم إنشاء الله
[size=5]




يا(زبن) جوكم بدونا مقبليني=ياليتني فالمستوي يوم حلوه

واذبحلهم من كل كوما سميني=احط ماكانوا لنا قبل حطوه

يستاهلون ربوعنا الغانميني=اللي ليا جا الوسم يا(زبن) ناشوه

ماقابلوا يا(زبن) شهب السنيني=وشروا لها تبن الحوايل وجابوه

لا جاهم العساس شدوا بحيني=وراع الغنم مع دربهم ماتحروه

(موراتهم) تسمع لهنه رطيني=واهل الجيوب مع اول البوش حدوه

يتلون شف مهجرعات الحنيني=حليبها عن ضيفهم ما تغالوه

وذبح السمان وبن صنعا الثميني=ونجر(ن) على شان المسايير دنوه

تعجبك شبت نارهم نازليني=والعود الأزرق دار والكيف صبوه

من الدله الصفراء يصبه بصيني=وعلى أكبر المجلس من الربع ساقوه

وعاد وبدا في صبته من يميني=حسب السلوم وسلمهم ما تناسوه

لكل سلمـ(ن) طيبـ(ن)حافظيني=مابدلوا فيه الحضارة وكبوه

والبل عطايا الله بها معتنيني=ما طاوعوا فيها ولا قول سمعوه

ألا كلام الله كلامـ(ن)يقيني=ذكر لهم شيـ(ن) وبالعين شافوه

وباللي خلقها يا(زبن) مؤمنيني=اللي ليا ضاقت عليهم ترجوه

افطن لهم يا(زبن) ذرب اليميني=بيتك ليا جا مثلهم ماتعدوه

حتى ينالون الشحم ياضنيني=قولـ(ن) صحيح وغيري الناس قالوه

فعلك ينومسني وعلمك يجيني=بديت راس الرجم ياقل من جوه

لا يابعد يا (زبن) خطو الدويني=اللي على الواجب تخلى وخلوه



ولكم تحياتي

الله

.

أبداع

صح السانه والسانك

ويتاهلون الطيب المقطه
وعوايدهم

ماعليك زود يالهيلووووووم
وصح بدنك