للشاعر فهد المساعد

ضحكتي غابت وهدّتني .. وبانت شيبتي
والطفولة ودّعتني وأبتديت أفقدها

مابقى لي رغبة الا رغبتي في غيبتي
بشّروا عني قلوبٍ غيبتي تسعدها

هاجسي,طيشي,شبابي,حلم عمري,ريبتي
كنتي أكثر شي يبهج روحي ويسندها

وين أشوفك بعد ماحلّت علي تغريبتي
وأجبرتني أترك ايدينك .. ومدّت يدها

عاد أنا سمّي , وداي , وعلتي , ومصيبتي ..
لاكبرت بدون مدري بالزمن .. والأدهى ..

لادريت إني كبرت .. وصارت أكثر هيبتي
وصرت طفلٍ شوفة الأطفال لي .. تبعدها

ماأحس إني صغير الا إذا (حبيبتي) ..
أرفعت لله يديها .. جعلني ماأفقدها

أمي اللي لو تحس شوي طالت غيبتي ..
تنتظرني .. لين أجيها ثم أقبّل يدها

جنّتي أنها تشوف أني طفل .. ومصيبتي ..
حزني اللي في عيوني لابغيت أسعدها


فهد المساعد

لاهنت على النقل