سيرة الملك عبدالعزيز وأبنائه

نظمت سيرة ملكنا عالي الشاني
عبدالعزيز اللذي تاريخه اسطوره

سيرة ملكنا تردد طول الازماني
تثبت ونثبت على نهجه ودستوره

وحد بلاده بعزم وسيف ويماني
في ليلة" جعلها بالغيث ممطوره

سارن معه بندقه والسيف شاماني
من ديرة" جعلها بالخير مذكوره

سارن بليل" عليه النور ماباني
والفجر شاف الرياض وبانت اقصوره

وفي شهر شوال زان الموعد وحاني
ونادا المنادي وقال الدار منصوره

والناس صارو بحكمه ربع وأخواني
حكم بحكم العدال وطاعو الشوره

وسعود عقبه وجا لطيب عنواني
يشهد له الشرق ويا الغرب وبحوره

طور بلاده بعلم" فاق الامكاني
يكتب له المجد والتاريخ فسطوره

وإن راح قرم" يجي من بعده الثاني
فيصل على المجد والطاله بنا سوره

فيصل لواحسب فعوله يعجز الساني
فيصل شجيع" كريم اطوال"شبوره

ومن بعد فيصل حكم خالد كحيلاني
اللي يحل الصعب والنفس مسروره

والفهد عقبه وجا للخير بيباني
وسع ابيت الحرم للي يبا يزوره

والله يغفر لهم ذربين الايماني
الدار بفراقهم تبكي ومعذوره


واليوم عم الأمن في كل الأطاني
في ظل رب الملا ثم ظل أخو نوره

صقر العروبه ملكنا مزبن الجاني
فعايله من قديم الوقت مخبوره

ولاني بناسن ولي العهد سلطاني
فعايله من قديم الوقت مشهوره

في ظلهم دايما" للحق نيشاني
ورايتهم فوق عال المجد منشوره

مبد ع مبدع يابن مشيب
وصح لساااااااااااااااااااااانك مليون

قصيده جزله

صح لسانك يابن مشيب

صح بدنك ياالنشمي ويا الفرهودي
وماقصرتو مشكورين على المرور اللذي أسعدني

صح لسانك يابن مشيب

عناد الشيباني

صح السانك وعتلا شانك

قصيدة جزلةولاهنت


تقبل مروري وحترامي

صح بدنك يابن روق وصح بدنك يامطلق والله يرفع شأنك