بعد الغياب جيناكم .. الطااارف سديد !!!!!!!!!!!
الصميدع المقاطي23-Feb-2010, 10:56 PM
يا سلام الله سلامن له الحمل الثقيل=والجمال الباركه ما تشيل احمولها
من يبا ييلعب معي قلت له خلك دليل=والعلوم الطيبه جيبها بأصولها
سطام الشجعاني23-Feb-2010, 11:22 PM
مرحبا ترحيب شاعر معه بنن وهيل = والدروب الكايد صولها ونجولها
شد حيلك يالمقاطي وراك الليل ليل = والعلوم الطيبه لك ترانا نقولها
الصميدع المقاطي23-Feb-2010, 11:31 PM
البقا يالي ترحب عدد وبل المخيل=والمعاني عندكم ظبطوا معدولها
رتبوا بجيوشكم واصقلوا حد الصقيل=واصدموا صلب العرب واذبحوا بزحولها
محمد شبيب السبيعي23-Feb-2010, 11:33 PM
صحت الالسن والقلوووووووووووووووب
الصميدع المقاطي23-Feb-2010, 11:36 PM
صحت الالسن والقلوووووووووووووووب
صح بدنك ويا هلا فيك
سطام الشجعاني24-Feb-2010, 12:01 AM
لاتهور يالمقاطي ترى دربك طويل = دامها بيني وبينك لقيت احلولها
فات وقتن فيه دمن وفارس فوق خيل = بعد ماجانا المؤسس وشال انزولها
خـال ـد24-Feb-2010, 12:38 AM
صح الله السنتكم والصف مقاطي ولايهون اخوي سطام
الليل يابدر
سطام الشجعاني24-Feb-2010, 12:53 AM
السبيعي صح الله قلبك
خالد لاهنت
ويينك يالمقاطي
الصميدع المقاطي24-Feb-2010, 12:57 AM
المقاطي عينه لفوق مره ما تميل=خايلن للسحب واشوق يم اهلولها
يا صحيبي قلي اليوم كم هوُ الحصيل=والمزارع يا عرب ماعرف محصولها
سطام الشجعاني24-Feb-2010, 01:18 AM
ياحليلك يالمقاطي حليلك ياحليل = ضيع الدعوى وتلخبط بعرض وطولها
قدمك البستان مليان بنواع النخيل = مير منته قادرن للنخيل اتطولها
سطام الشجعاني24-Feb-2010, 02:11 AM
بدر انت متوااجد
تبي نكمل ولا نروح نرقد
الصميدع المقاطي24-Feb-2010, 02:21 AM
انت لو انك تجمع كثيرن مع قليل=مادرينا عن زعاج العرب وطبولها
نحرق البستان وتشيلها وسط الشليل=مير حملك اهده الناس عند ذلولها
الصميدع المقاطي24-Feb-2010, 02:22 AM
سطام الشجعاني24-Feb-2010, 04:33 AM
نلطم العايل ونذبح لمثلك كل حيل = ونت قدمت العدس والتميس وفولها
شيل عفشك يالمقاطي وجهز للرحيل = مابقى فالديره الا السباع وصولها
صح الله لسانك
تشرفت باللعب معك
تحياتي لك
متعب المقاطي العتيبي24-Feb-2010, 04:41 AM
بدر.......
يا صحيبي قلي اليوم كم هوُ الحصيل=والمزارع يا عرب ماعرف محصولها
سطام
قدمك البستان مليان بنـواع النخيـل=مير منته قـادرن للنخيـل اتطولهـا
ياسلام عـــ الابداع
فهد الشيباني24-Feb-2010, 02:28 PM
.. الله الله ..
صحت الألسن .. مبدعين ..
الصميدع المقاطي24-Feb-2010, 04:12 PM
نلطم العايل ونذبح لمثلك كل حيل = ونت قدمت العدس والتميس وفولها
شيل عفشك يالمقاطي وجهز للرحيل = مابقى فالديره الا السباع وصولها
صح الله لسانك
تشرفت باللعب معك
تحياتي لك
صح بدنك والشرف لنا .. لو كان ودنا نطول اكثر بس براحتك ..
الكنق 201124-Feb-2010, 05:13 PM
سطام الشجعاني24-Feb-2010, 10:03 PM
تسلمون على المرور والاطلاع
تحياتي لكم
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
