شيله للشاعر : مستور المقاطي اداء : بدر غالي .. يقطعك يا دنيا العجب

السلام عليكم ورحمة الله وبركاته


شيلــه مميزه وجزله للشاعر المبدع : مستور بن منسي المقاطي


وهي من اداء المنشد صاحب الصوت الشجي : بدر بن غالي



,,


للاستماع


http://kdotaibi.com/voices.php?action=show&id=573




،،


لقراءة القصيده


..




يقطعك يا دنيا العجب والتعاجيب = مستور منه طرقتك قازي وعايف

يسعدبك الحصني ويشقابك الذيب =والعز عود للنفوس الضعايف

والروس طاحت والقدر للعراقيب = والبوم يبدي في طويل الشرايف

وين الرجال أهل الكرم والمو اجيب = ولآ الهلايم ما علاهم حسايف

وأهل الرمك راحو واهل شمخ النيب = والناس راحو فالمداين حلايف

راحو هل الصملات وأهل المشاعيب = واقفو اهل الحدب الحداد الرهايف

راسي تعرض للهوى والملاهيب = مار المعزه والنشاما ولايف

والطيب مقسومي وأنا وارث الطيب = والعين تنظر في طويل النوايف

وان جاني الطرقي كثير التراحيب = طبع الاهلنا فالسنين الطوايف

والمرجله ماهي ورى نافخ الجيب = خبل يحوص ولايحب الكلايف

المر جله للي يسد المطاليب = وظلال بيته يزينه كل خايف

فالوقت ماتصفي جميع المشاريب = وأعمارنا مثل الركاب النكايف

مار الصبر من حمكه أهل التجاريب = لو كان شفنا فالمطيه خلايف






تحياتي

مشكوووووووووووووووووووور

طيب طيب يالهديبي ,,

لازال مسلسل الابداع في الطرح متواصل ,, مازلت معنا ,,

صح لسان الشاعر ,, وسلم الله ناقلها ,, من الشر ,,

في انتظار القادم ,, تأكد لك متابعين فلا تبخل بما لديك ,,

//

إحترااامي ..!!!

طيب طيب يالهديبي ,,

لازال مسلسل الابداع في الطرح متواصل ,, مازلت معنا ,,

صح لسان الشاعر ,, وسلم الله ناقلها ,, من الشر ,,

في انتظار القادم ,, تأكد لك متابعين فلا تبخل بما لديك ,,

//

إحترااامي ..!!!


الله لا يهينك بصراحه ردوك ترفع المعنويات للابداع مره أخرى

الف شكر من القلب

..,’

تستاهل اكثر يرايد