مرحبا ترحيبةٍ مثل المطر ساعة هطوله // سلطان الجذع !!
فهد الشيباني15-Oct-2010, 02:59 AM
السلام عليكم ... :) اقرب ويعلم الله انها للفائده من قامه شعريه :)
//
مرحبا ترحيبةٍ مثل المطر ساعة هطوله = للجذع سلطان من دون التمنن ما نباها
المزاين اشغل اعقول العرب ساعة وصوله = ذود ابو خالد كريم اليد عالي مستواها
مازن الشيباني15-Oct-2010, 03:03 AM
ياسلام ياسلام
صح لسانك يابن مشيب
وصح لسان سلطان مقدماً
ابراهيم الجـــــذع15-Oct-2010, 03:06 AM
صح السانك أخوي فهد
وصح السان أبو عبدالله
متابع الأبداع
فهد الشيباني15-Oct-2010, 03:06 AM
مرحبا في مرحبا ....
صح بدنك ياابن العم وشرف لنا حضوورك لاهنت :)
فهد الشيباني15-Oct-2010, 03:07 AM
ارررحب ياابراهيم ....
صح بدنك ومتابعتك مهمه بالنسبه لنا لاهنت :)
رعد الروقي15-Oct-2010, 03:09 AM
يا سلااااااااااام
صح لسااااااااااانك يا فهد
وصح لساااااااااان الاسطووورة مقدما
ازهلوا الصففف
سلطان الجـذع15-Oct-2010, 03:10 AM
...
وعليكم السلام ... ارحب ارحب ...
بارك الله فيك فكر فالكلام اللي تقوله = الوجوب امست ركابك دونها والا وراها!!
ماعليه خلاف إله فالاوله دور البطوله = المصيبة فالعجوز اللي تحت فيّة عصاها!!
ماجد السميري15-Oct-2010, 03:11 AM
المزاين اشغل اعقول العرب ساعة وصوله
ذود ابو خالد كريم اليد عالـي مستواهـا
الله الله
صح لساااااانك يابن مشيب
ومافيها كلام انتم اهل الوضح
وفي انتظار ابوعبدالله وصح لساااااانه
فهد الشيباني15-Oct-2010, 03:12 AM
يامرررحبا والله .....
صح بدنك يارعد هادوووك الصفووف ولا اوصيك :)
مجري شحيبان15-Oct-2010, 03:14 AM
الشيباني والجذع صحت السنتكم
سلطان الجـذع15-Oct-2010, 03:16 AM
...
يامرحبا بالجميع ,,, ولاهنتوا على تشريفكم ,,,
فهد الشيباني15-Oct-2010, 03:24 AM
تبقى يالمرحب ... :)
//
الصحيح اللي يقوله في زمانك ما يطوله = وانت ياسلطان مدري من ذكاء ولا تراها
قبل مده شفت رجلٍ ما يناظر في رجوله = والمصيبه ساقه اليمنى تحده ويحداها
فهد الشيباني15-Oct-2010, 03:27 AM
ماجد السميري ....
صح بدنك وضح الشيابين وضح عتيبه كلها
لاهنت على الحضوور :)
فهد الشيباني15-Oct-2010, 03:28 AM
مجري صح بدنك ولاهنت على الحضوور :)
سلطان الجـذع15-Oct-2010, 03:34 AM
..
.
الله الله :)
يوم دار الشك حولك وانت قمت تدور حوله = يمكن الافكار مايطوّل على شانك مداها!!
في اي ديره يافهد شفته ..؟ وعند ايا حموله ..؟ = السوالف للعوارف هاتها من مبتداها!!
فهد الشيباني15-Oct-2010, 03:51 AM
طيب ......:)
//
الجذع لو كان فالجو وش يدور من نزوله = لايطيح فحلقة الصياد ثم يصبح عشاها
يالعتيبي لاتعجل مثلك يحب السهوله = لا تناظر فالنجوم اقع تحول من سماها
فهد الشيباني15-Oct-2010, 04:18 AM
صح السانك وتصبح على خير .
سلطان الجـذع15-Oct-2010, 04:20 AM
..
:)
المعذرة على التاأخير ... وصح بدنك يافهد وتصبح على خير
مضطر للخروج عن اذنك
الاكيد ان البلد مايستوي عرضه بطوله = والعوارف لو تساوت ماتفاوت مستواها!!
الضياع اللي على اول مرحله باقي فصوله = سلعةٍ مايربح اللي باعها واللي شراها!!
(الذيب الامعط)15-Oct-2010, 06:14 PM
هههههههه
المصيبة فالعجوز اللي تحت فيّة عصاها!!
هذا والله الكلام
راعي الشوشلية17-Oct-2010, 03:27 AM
صح السنتكم ياشعار
.
.
.
تقبل مروري
