سلطانه انتي ولاهان اسم سلطانه

القلب مني رحل وازريت لارده=أضاهر اخذ من الشيهان جنحانه


يكفخ به الهاجس اللي فيه ويقده=ويبحث وش اللي جراء فارشيف خلانه


يابنت قلبي رحلك باغي(ن)نده=وداعت الله معك يابنت وامانه


خليه يسكن بصدرك لو بعض مده=يسكن بوسط الضمير وقلبك أوزانه


عطيه كلمة وفاء تنسيه ماهده=وتذكره بالوفاء وتشيد اركانه


لاتجرحينه وتعطينه من الصده=تراه يبغض هذاك الصد يافلانه


والعين تنظر وراك ونضرها قده=تراك شي(ن)كساه الرب سبحانه


انجيت أوصفك قلت الوصف باعده=سلطانه انتي ولاهان اسم سلطانه


الفوز لك والعذارى يسمعن رده=لنك بتاج الفخر والعز مليانه


اغليك وأغلي وطن تاطين في خده= واكره وطن مامشيتي وسط سكانه


جيب الهواء يابريد الحب ثم وده=خل المحبه تسير بدم شريانه


الصاحب اللي تمركز فالحشاء وده=طير الهواء يعجب القصاد بالحانه


أقصد من الشعر مايفداه ويسده=أصوغ حرفه واجيدبفتل قيفانه


حلفت منساه لو سيف الغدر حده=الا اذا مت وأعلن موتي لسانه


لن الهواء لعنبوه ولعنبوا جده=من حب شخص(ن)صعيب يكون نسيانه

الشاعر/ضاوي عبد الله العتيبي

ونعم ياضاوي الله يعطيك العافية واعجبني البيت التالي كثير ا والقصيدة كلها رائعة


خليه يسكن بصدرك لو بعض مده=يسكن بوسط الضمير وقلبك أوزانه

صح لسااااااااااااااااااااااااااانك

فهد سعد صح بدنك

ولاهنت