30-Jan-2012, 02:58 PM
أحبتي :
أهدي لكم المساجلة التالية المتواضعة ..
بيني وبين الشاعر : خليف الوهيداني
..
[][][]
[][]
[]
الصوت :
كان من قبلي ولم يتم إرساله لأي شاعر ..
وإنما كنت أخاطب أبني الأكبر " يزيد ..
.
يزيد لو الصبر يابوك رجال = ماكان يصبر ربع صبرٍ صبرته
أصبرت صبر أيوب وأثر على الحال= وأثر على قلبٍ قسيت وقدرته
لكن أبصبر في رجاء حل حلال=لايمكن أستسلم لهم ٍ ذكرته
والله لاعاند قاسي الوقت لوطال =وأبطش على الكايد بسيف ٍ شهرته
وش عاد لوموجه تلاطم على الجال = أما ثناني غصب ولاّ عبرته
أما نجحت وصرت بالمنزل العال=وبنيت قصر ٍ في خيالي عمرته
وحققت شيءٍ مشغل ٍ بالي أشغال=وأوفيت نذر ٍ في زماني نذرته
ولاّ بقيت بدنيتي شبه رحال=وأبحث عن المقصود مهما أنتظرته
وأطوف بالمركب على بحر الأهوال=وإلياأنكسر مجداف قمت وجبرته
يزيد لوالصبر يابوك رجال =ماكان يصبر ربع صبرٍ صبرته
نزف : الحرالأشقر
[][][]
[][]
[]
الصدى ..
كان من قبل الشاعر المعروف : خليف الوهيداني :
..
.
الله من قلب(ن)به الضيق يجتال= ولسمع جزلات القصايد حشرته
قلب(ن)يصيبه نوب سجات وهبال= ولو يعتذر مني قبلت وعذرته
قلب(ن)لصلفات الهواجيس مدهال= ولسفنها قلبي محيط(ن)عبرته
وهالليل رج القلب هزه وزلزال= زلازال(ن) قلبي صراحه ادمرته
من حر شكوى الحر الاشقر وماقال= عيني لذيذ النوم بعده اهجرته
كني بدار(ن)مابها حي وازوال= اوتقل سجن غريب جيته وزرته
عسى الفرج لك دوم ياطيب الفال= في كل درب من أين مالوجه درته
كني معك بالهم يانسل الأبطال= ولو تجهر المكتوم مثلك جهرته
دنيا بها عاشو صعاليك وأنذال= وراع الكرامه والبطوله احقرته
وان كان اللي بالوضع قدرةومدخال= ادخل وهمك دون حالك قهرته
الشاعر : خليف الوهيداني
[][][]
[][]
[]
وكان صوت صدى الصوت مره أخرى من قبلي :..
.
قول وفعل يامعرب الجد والخال= رأسك يعوض ومكسب ٍ ماخسرته
يامسند ٍ كتفي بحمله ليامال= يامن لعوزات الليالي ذخرته
ياخليف أنا ماقلت تكفون يارجال= وكم واحدٍ شرواك طيبه شكرته
ياخليف لوسامرت مع الليل موال =وذوبت قافك لين ذاب وصخرته
ياخليف همي ماتزحزح عن البال= ولاهوب ذرع ٍ باليدين وشبرته
أقصر طويله بين دله وفنجال= وأطول قصيره عند ربي وفرته
أكبر صغيره مابعد لبس عقال= وأصغركبيره لوبيكبر كبرته
والرجل صار بلاش والطيب بريال= واللي بليا ريال محروق كرته
والحق حق وكلمة الحق تنقال = ماينحدر درب ٍ بعيني بحرته
نزف : الحرالأشقر
أخوكم : الحرالأشقر
أهدي لكم المساجلة التالية المتواضعة ..
بيني وبين الشاعر : خليف الوهيداني
..
[][][]
[][]
[]
الصوت :
كان من قبلي ولم يتم إرساله لأي شاعر ..
وإنما كنت أخاطب أبني الأكبر " يزيد ..
.
يزيد لو الصبر يابوك رجال = ماكان يصبر ربع صبرٍ صبرته
أصبرت صبر أيوب وأثر على الحال= وأثر على قلبٍ قسيت وقدرته
لكن أبصبر في رجاء حل حلال=لايمكن أستسلم لهم ٍ ذكرته
والله لاعاند قاسي الوقت لوطال =وأبطش على الكايد بسيف ٍ شهرته
وش عاد لوموجه تلاطم على الجال = أما ثناني غصب ولاّ عبرته
أما نجحت وصرت بالمنزل العال=وبنيت قصر ٍ في خيالي عمرته
وحققت شيءٍ مشغل ٍ بالي أشغال=وأوفيت نذر ٍ في زماني نذرته
ولاّ بقيت بدنيتي شبه رحال=وأبحث عن المقصود مهما أنتظرته
وأطوف بالمركب على بحر الأهوال=وإلياأنكسر مجداف قمت وجبرته
يزيد لوالصبر يابوك رجال =ماكان يصبر ربع صبرٍ صبرته
نزف : الحرالأشقر
[][][]
[][]
[]
الصدى ..
كان من قبل الشاعر المعروف : خليف الوهيداني :
..
.
الله من قلب(ن)به الضيق يجتال= ولسمع جزلات القصايد حشرته
قلب(ن)يصيبه نوب سجات وهبال= ولو يعتذر مني قبلت وعذرته
قلب(ن)لصلفات الهواجيس مدهال= ولسفنها قلبي محيط(ن)عبرته
وهالليل رج القلب هزه وزلزال= زلازال(ن) قلبي صراحه ادمرته
من حر شكوى الحر الاشقر وماقال= عيني لذيذ النوم بعده اهجرته
كني بدار(ن)مابها حي وازوال= اوتقل سجن غريب جيته وزرته
عسى الفرج لك دوم ياطيب الفال= في كل درب من أين مالوجه درته
كني معك بالهم يانسل الأبطال= ولو تجهر المكتوم مثلك جهرته
دنيا بها عاشو صعاليك وأنذال= وراع الكرامه والبطوله احقرته
وان كان اللي بالوضع قدرةومدخال= ادخل وهمك دون حالك قهرته
الشاعر : خليف الوهيداني
[][][]
[][]
[]
وكان صوت صدى الصوت مره أخرى من قبلي :..
.
قول وفعل يامعرب الجد والخال= رأسك يعوض ومكسب ٍ ماخسرته
يامسند ٍ كتفي بحمله ليامال= يامن لعوزات الليالي ذخرته
ياخليف أنا ماقلت تكفون يارجال= وكم واحدٍ شرواك طيبه شكرته
ياخليف لوسامرت مع الليل موال =وذوبت قافك لين ذاب وصخرته
ياخليف همي ماتزحزح عن البال= ولاهوب ذرع ٍ باليدين وشبرته
أقصر طويله بين دله وفنجال= وأطول قصيره عند ربي وفرته
أكبر صغيره مابعد لبس عقال= وأصغركبيره لوبيكبر كبرته
والرجل صار بلاش والطيب بريال= واللي بليا ريال محروق كرته
والحق حق وكلمة الحق تنقال = ماينحدر درب ٍ بعيني بحرته
نزف : الحرالأشقر
أخوكم : الحرالأشقر
