اللعب قرت صفوفه والمسرّي حضر .." يا مرزووووق " ؟؟
المسرّي17-Sep-2005, 11:10 PM
السلام عليكم
المعذره على الانقطااااااع والتأخر
جت الاجازه ولا صدّقنا نفتك من الصيفي
رحنا نسيّر وندوج فأرض الله الواسعه
عاد الله الله
اسمعوا وعوا
وين مرزووووووووووق :
اللعب قرت صفوفه.. والمسرّي حضر = والنار ماتوقد الا بِيد شبابها
حنا بلشنا زمنّا ذا بزيد وعمر= تقلط على فعول الابطال وتسنوى بها
مسري الشعار17-Sep-2005, 11:30 PM
الله الله 0000صح السانك يا المسري
0000تقلط على فعول الابطال وتسنوى بها0000
ماجد الهذلي17-Sep-2005, 11:32 PM
الله الله يا مسري
من طول الغيبات جاب الغنايم
أنا في الصف وفي إنتظار مرزوق
تحياااتي
معقل المجانين17-Sep-2005, 11:39 PM
المسرّي]السلام عليكم
المعذره على الانقطااااااع والتأخر
جت الاجازه ولا صدّقنا نفتك من الصيفي
رحنا نسيّر وندوج فأرض الله الواسعه
عاد الله الله
اسمعوا وعوا
وين مرزووووووووووق :
اللعب قرت صفوفه.. والمسرّي حضر = والنار ماتوقد الا بِيد شبابها
حنا بلشنا زمنّا ذا بزيد وعمر= تقلط على فعول الابطال وتسنوى بها
المسري
وعليكم السلام ورحمة الله وبركاته
الله الله عليك
وينك يامرزوق
اخوكم / معقل المجانين
فيصل المسعودي17-Sep-2005, 11:47 PM
يعين يعنين
هلابك المسري
وفي انتظارررررر اخونااااااااااا مرزووووق
من الان سجلتي في صفك يامرزوووق
الليل الليل
وواااصلوووااا
تحياتي
مرزوق حمدان العتيبي18-Sep-2005, 08:58 AM
ارحب يالمسرّي
نورت الحتّه :)
اعترف وين سيّرت هههه
استلم .....
اللعب من فضل ربي بعدكم مدّهر = يامشعل النار نارك... تاتكوابها
انته سبايب مشاكل هالليال الغبر = تذكر عيوب الخلايق وانته اسبابها
مرزوق حمدان العتيبي18-Sep-2005, 09:01 AM
...
..
مرحبا بالجميع...
تراحيب الربيع...
ابو طاارق اررررررررحب
نورت الصفحه بعد الغيبه ....
محمد العتيبي18-Sep-2005, 02:56 PM
مرحبا .. مرحبا .. مرحبا
.. مرحبا .. مرحبا ..
.. مرحبا .. مرحبا .. مرحبا عد المطر ..
حياك الله ياولد غامد ... وحمدلله على السلامه .. وصح لسانك .
الاستاذ : مرزوق العتيبي .
ادخل على الله ترفق على ( المسري ) الرجال توانه جاي من سفر
وله حق ثلاث ايام محدن يلغط علاه .. وعقبها
اكووووووووووووووووووووه
ههههههههههههههههههههههههههههههههههههههههه
تحياتي يالمسري .
مرزوق حمدان العتيبي18-Sep-2005, 03:09 PM
ههههههههههههههههه
ابو متعـب انت ماتدري ان المسري راعي محل
ابك اسكت لايطلعنا بس ههههههه
.... تدري ....
ابشر المسرّي حبيبنا ونرفق عليه ونحطّه في عيونا بعد :)
اما انت يابو المشاعيب ....
الله الله فالشاهي المضبوط ..
ترى لاندخن ولله الحمد
بس نبي براد يحبه قلبك..
المسرّي18-Sep-2005, 05:05 PM
خلوووووووها
هلا هلا بمرزوق
والحته منوّره بوجودك
غبنا وجاك السعد..جينا وجاك القهر=الله يعينك على سيوفي ومضرابها
ان كان تبغى الحقيقه فانت حولك نظر=تحسّب ان القمر والشمس تتشابها
المسرّي18-Sep-2005, 05:08 PM
مسرّي الشعار
صح بدنك و حياك الله
وش خليت لي من الاسم
لكن سرّهم وانا معك
ومرحبا بك من جديد
المسرّي18-Sep-2005, 05:13 PM
ماجد الهذلي
فالك الشحم والله يحييك
متابعتك تشريف
المسرّي18-Sep-2005, 05:16 PM
معقل المجنن
يالله حيه والله وين ايامك وين
المسعودي, فيصل
في صف من تريد اهم شي انك متواجد
حياك الله
المسرّي18-Sep-2005, 05:20 PM
ابو المشاااعييييب
الله يبقييييييييييييييييك
عد ما منّه لا عندك
طال عمرك وسلم راسك
وثلاثه ايام ما تكفّي
تكفى زودها ترى مرزوق علة نحر ههههههه
المسرّي18-Sep-2005, 05:23 PM
ههههههههههههههههه
ابو متعـب انت ماتدري ان المسري راعي محل
ابك اسكت لايطلعنا بس ههههههه
.... تدري ....
ابشر المسرّي حبيبنا ونرفق عليه ونحطّه في عيونا بعد :)
اما انت يابو المشاعيب ....
الله الله فالشاهي المضبوط ..
ترى لاندخن ولله الحمد
بس نبي براد يحبه قلبك..
مرزوق طال عمرك
هذا من طيبك والله
لكن لا تكلّف على ابوالمشاعيييييب
لاني في الحفلات ما اشرب الشاهي مررررررررره
دستور الهيلا18-Sep-2005, 06:08 PM
خلوووووووها
هلا هلا بمرزوق
والحته منوّره بوجودك
غبنا وجاك السعد..جينا وجاك القهر=الله يعينك على سيوفي ومضرابها
ان كان تبغى الحقيقه فانت حولك نظر=تحسّب ان القمر والشمس تتشابها
الله واكبر على الشيطان
ويش هالعب فالميدان
وااااصلو يارياجيل
انتبهو لا يسري اليل
مرزوق حمدان العتيبي18-Sep-2005, 06:20 PM
تسلم واستلم.....
تبغى الحقيقه نقر بقدرك المعتبر = لكن حضورك تراها ..كنّها اغيابها
نسمع رعود ٍ تحن ولا لقينا مطر = الله يستر على العربان بأثيابها
مرزوق حمدان العتيبي18-Sep-2005, 06:23 PM
....
..
.
دستوور الهيلا ..
مرحبا الف افرحتنا بهالطلّه لاعدمتك...
المسرّي18-Sep-2005, 06:57 PM
خلووووها
تقر والا لعلك ياولد ما تقر= وقفاتنا كل ربعك تحسب حسابها
وراك تتبع خياله دام مابه ظفر=افطن لها ياصحيبي وانته ادرى بها
المسرّي18-Sep-2005, 06:58 PM
دستور الهيلا
الله اكبر على الشيطان مليييوووون
ومحضارك يشرفنا
والليل الليل
مرزوق حمدان العتيبي18-Sep-2005, 07:18 PM
هييييييه اسمع ....
ياشين طيش الولد لامن راسه كبر = قد م المدرّس يحاولها ولاجابها
انا ترى ما تبع الاّ .. اللي بمكه ظهر = والوالي اللي بفضل الله تولا بها
المسرّي18-Sep-2005, 07:38 PM
خلوووووووووووووووووووووها
اصحابك اللي قبل خذوا الدوى فالنحر=واشوفك الليله اصحابك تقدّى بها
حنا ترى فالجزيره لا تروح لمصر=ومكه عسى مثلكم مايدخل ابوابها
مرزوق حمدان العتيبي18-Sep-2005, 08:19 PM
هيييييييييييه خلوها ...
اليا تفديت ربعي معتبرها فخر = ايه العتيبي ترى الامجاد كسّابها
ياللي تلوّا تلوّي مثل داب الجحر = حنا جبال الجزيره وانتم اترابها
ابو بادي18-Sep-2005, 08:45 PM
هيييييييييييه خلوها ...
اليا تفديت ربعي معتبرها فخر = ايه العتيبي ترى الامجاد كسّابها
ياللي تلوّا تلوّي مثل داب الجحر = حنا جبال الجزيره وانتم اترابها
الله الله يامرزوك رائع ولايهون الغامدي واصلو متابعين
المسرّي18-Sep-2005, 09:26 PM
هي تقدّى بها >>>بالقاف مهو الفاء لكن استلم :
ليا تفديّت ربعك حوّلت في سقر=الهم فقلوبها والموت فرقابها
يكفيك ماصار واللي صار "عشره صفر"=مع كُبر شاراتنا مرزوق ماصابها
والنهايه عندك
وصح لسانك يامرزوووق وبيض الله وجهك
والله انك مسكب للي يلعب معك
مرزوق حمدان العتيبي18-Sep-2005, 09:37 PM
........
...
..
.
مرحبا تراحيب الحيا يابن بادي ...
زياره اضفت على المحاوره شكل خاص..
ولمرزوك الفخر في وجودك :)
مرزوق حمدان العتيبي18-Sep-2005, 09:47 PM
...
كل الحالتين يالمسري موافقه وانا اخوك ....
سواء تفديت ربعي او تقديت ابهم :)
وبيني وبينك والله اني احسبها تفدابها...
:)
هههههههههه وانت ماشاء الله عليك تبي بس شي تعلق به..
واقووول
صح بدنك وانت شاعر مبدع
ودون حقك ماعليك خلاف ...
ماودي اضغط عليك شوي ثم تنفجر = لكن بعض الهقاوي لاتهقوابها
يكفيني انّي بوسط الملعبه منتصر = يوم ان بعض العرب ماتخلف اتعابها
المسرّي18-Sep-2005, 10:14 PM
ابو بادي
مرحبا هيييييييل
شرفتنا والله بمرورك
والله اسم طيب لمرزوك
المسرّي18-Sep-2005, 10:17 PM
مرزوق
بيض الله وجهك وفالك الشحم
ومثلك اتشرف باللعب معه والاستفاده منه
وشهادتك وسام شرف على صدري
وان شاء الله نلتقي قريبا
مرزوق حمدان العتيبي18-Sep-2005, 10:36 PM
هههههههههه
المسرّي انت ماتعرف ابن بادي
الرجال مثقف ... مرزوق بالانجليزي مرزوك
Marzouq
مشكله اللي ثقافته بدويه مايفهمك
...
:)
