بعيري شعيل طارت به حوايمـهـا

هذه القصيده القيتها أمام الشيخ زايد آل نهيان (رحمه الله رحمة واسعه) في قصره بابوظبي قبل حوالي 8 سنين
آمل أن تحوز على إعجابكم وإستحسانكم.
*****


سلام مني لإبن سلطان في داره=الشيخ زايد امعز الشعب حاكمها
شيخٍ عظيمٍ عِظم شانه ومقداره=حاكم ومن لابةٍ نارٍ محازمها
شوخ على القوم لاثارت لهم غاره=تسقي اعداها سموم الموت تطعمها
ماهمهم لو تطول الحرب بأوزاره=ماهمهم كثرت العدوان تهزمها
شوخ اليا جالهم محتاج بزياره=يلقى السعد عند من يقضي لوازمها
ماخاب من جالهم وأعطاهم أسراره=عز الله انه رجع يمناه مدسمها
ياعزّ من جالكم محتار من داره=جاكم وإله حاجة بالصدر كاتمها
أنشهد إنه وصل للحّر بأوكاره=وإرتاح باله وهانت له عظايمها
ياليتني في حماكم وأحمل الشاره=شارت شرف للعتيبي حيل رايمها
وأعيش ما بينكم حرٍ مع أحراره=وأنسى هموم ابجوف القلب كاظمها
ياشيخ انا الوقت ذوقني من أمراره=كاسات منها الفتى مبناه يهدمها
لو كانت النفس للوعات صبّاره=غصب عليّه ردي الوقت يظلمها
والحظ عيا يقوم وطفّيّت ناره=وابعيري اشعيل طارت به حوايمها
ياشيح لن جاد حظي بعطي بشاره=والروح تفداك ترخص لك وأقدمها
وأرخص لك اللي غلا لو زادت أسعاره=واللي عطا الناس والأرزاق قاسمها
ياشيخ جيتـك وبيت الطيب بأذكاره=والطيب عندك مقره وانت حاتمها
والجود يمك مواريده وصداره=وأنت الذي ربنا يمناك مكرمها
والله لو أسرد القيفان وأشعاره=مااوفاك حقك يابو سلطان ناظمها
والعذر لو الشعر ماقلت أثماره=لكن بالعذر حرف الشعر نختمها
وصلاة ربي عدد ماطارت أطياره=واعداد من طاف بالكعبه وصايمها
على نبي حماه الله في غاره =شفيع الأمه لياهبت سمايمها

سفر مشعان العتيبي
أستمع للقصيده

http://hfte.net/upload/zayed.rm

صح لسانك ياسفر والله يرحم الشيخ زايد

وتقبل تحياتي

صح لسانك ياسفر


مدحت ابن نهيان


وهو يستاهل


لك تحياتي

صح لسانك

والله يرحم موتاناا


تقبل خالص الشكر والتقديرر

أخوك

ولد الشاعر

سفر مشعان العتيبي

اسم يستحق الاشاده والتقدير

صح السانك ياغالي


تحياااااااااااااااااااااااااااااااااااااتي

صح لسانك
............... ياسفر بن مشعان
الشيخ زائد اهل للمدح
وياليت كل رئس دولة ..... مثل الشيخ زائد
.
اخوك ....... نايف الحويماني