« آخـــر الـــمـــشـــاركــــات »
:: أبوي (آخر رد :ياسر محمد العتيبي) :: قصيدة (آخر رد :ابو طارق الشمري) :: قصة محري بن قطران مع خدام المرحوم الملك عبدالعزيز القصه الحقيقيه (آخر رد :الفانتوم) :: قبيلة المحاقنة (آخر رد :متعب الوحيدب) :: قبيلة المحاقنة (آخر رد :متعب الوحيدب) :: رواية معركة إشريفة التاريخية بين قبيلة بني رشيد وعنزة (آخر رد :حفيد رشيد) :: رحلة الألم (آخر رد :ياسر محمد العتيبي) :: سهيله (آخر رد :ياسر محمد العتيبي) :: المواهب من الله (آخر رد :ياسر محمد العتيبي) :: راحتي (آخر رد :ياسر محمد العتيبي)

الرئيسية « الشعر الشعبي « قصيدة السبيعي في {العتـيـبي}

قصيدة السبيعي في {العتـيـبي}

رويشد المورقي01-Mar-2007, 08:57 PM

قصيدة الشاعر شالح بن حمران بن نعيس السبيعي في الشيخ عبدالمحسن بن حشر بن حميد
عندما زار قبيلة سبيع في رنيه عام 1409هـ

يامرحبـا ياميـر نـجـد واهالـيـه
مــن جــدك الاول قـديـم وتـالــي
انتم شيوخ البر واللي نـزل فيـه
ماطـرت القـمـرا ويــم العبـالـي
وايمن منازلهم حـدود العلـم فيـه
ويسـار لامـن الحيـا جــاء شمـالـي
ترعونـه بـعـرب تقـطـف حـلاويـه
غصـب عـلـى نشرالخفـيـف المـوالـي
وان صرصر الجندب ويبسـت مراعيـه
تلقـى علـى المحـدث بيـوت واهالـي
تلقـى بيـوت قيلـن الفـلا فـيـه
ومصـطـرات فـيـه صـبـح الـدلالـي
ومن غيرها يلقى العشا عند راعيه
يلقاه مـن شانـت عليـه الليالـي
لاد الكريزي لاشتـرى المـوت شاريـه
ثم صاح صايـح والدبـش فـي المفالـي
لحقوا على مثـل المهـا فـي تحاليـه
صفـر غذاهـا مـن حليـب المتـالـي
مركاضهم يبـرد ضمـا كبـد راعيـه
لا دبــر الاول وخـــلا الـتـوالـي
لا قام راع الغوج ينخا ولد خيـه
يافـلان ياحامـي عقـاب التـوالـي
تـرى حصانـي شرعـن الرمـك فيـه
بمشلـشـلات مـثـل وصــف الحـبـالـي
كـل ينـادي ميتـه يقتضـي فـيـه
والحوم فـي جـو السمـاء لـه ظلالـي
اوحي الكريزي يوم كثرت عزاويـه
ماعـاد لـي حيـلـه ولا لــي محـالـي
قمت اندب كحيـلان يرفـع مواطيـه
وقـام يترفـع مـع رفيـع الحبـالـي
در العرابـا شاربـه فـي حواجيـه
قـام يتزبـر كـنـه ام الغـزالـي
انت الامير اللي زهى الكيف راعيه
والختـم فـي يمـنـاك عـصـره هـلالـي
ورث لبـوك وجـدك اللـي يواليـه
والجـد الاقصـى ذاك ريـف الهشـالـي
بيت الندى تلقى الندى دايم فيـه
وبيـت الهوينـا مايجـي لـه ظـلالـي
احييت عـادة شايـب كنـت تاليـه
وشرفتنـا يـوم ان سلـكـك جـلالـي
يامرحبـا ترحيـب غـال لغالـيـه
وترحيب مـن شـاف المطـر والخيالـي
وترحيب مولود حبـا بيـن اهاليـه
امــه تـجـره فــي سمـيـن الـظـلالـي
اهل طلال ويومه اللـي جـرى فيـه
كـم سابـق طاحـت عوضهـا الجـلالـي
وكم سابق راحـت رسنهـا تباريـه
خـلـى ثقلـهـا طـايـح فالمـجـالـي
وصـلاة ربـي عـد مـاهـب ذاريــه
على النبـي اللـي حكـم بالعدالـي

فهد النفيعي01-Mar-2007, 09:58 PM

لاهنت يارويشد يعطيك العافيه

مرزوق الجعيد01-Mar-2007, 10:32 PM

بيت الندى تلقى الندى دايم فيـه=وبيـت الهوينـا مايجـي لـه ظـلالـي
احييت عـادة شايـب كنـت تاليـه=وشرفتنـا يـوم ان سلـكـك جـلالـي
يامرحبـا ترحيـب غـال لغالـيـه=وترحيب مـن شـاف المطـر والخيالـي

تكفي عن التعليق

رويشد المورقي02-Mar-2007, 01:44 AM

الله يعافيك

ومرزوق مشكور على الشعر يا مبدع

ابو ضيف الله04-Mar-2007, 10:51 PM

صح لسان الشاعر وبيض الله وجهه ولا يعرف حق الرجال إلا الرجال

اهل طلال ويومه اللـي جـرى فيـه =كـم سابـق طاحـت عوضهـا الجـلالـي

يا الربع لاحظوا هالبيت مع ان االشاعر من سبيع الغلبا ولكن طــلال طـــلال

البــرقــاوي12-Mar-2007, 10:04 PM

الله يجزاك خير

والشيخ ابن حميد يستاهل

ولك تحياتي