### دباس يوصي ابنه###

قصيده الشاعر: دباس ابن مجلبه الحافي يوصي بها ابنه بدر

يابدر يابني اخــــــذ مني وصيات=اسمع كلامي في معان القصيده
حافظ على دينك على كل الاوقات=تـلقـاه قدامـك نهـار الوعيده
بـد الفرايض والـنوافــل كمـيـلات=ولاخاب من حط الولي له سنيده
و العمر يرحـل والليالــي مقيمات=والرابح اللي طاب قدمه رصيده
وترى التســرع بالشجاعه مذلات=وليا بليت اصبر بعـزم وجــليده
تري الجبانه من كبار المعيبــات=والـذل ما يطول عمار حـصيده
وترى الكرم بين العرب له مجالات=راعيه يذكر بالعلوم الحميــده
وللضيف بش وباشـره بالتحيــات=وقدمله الميسور ورحب وزيـده
وترى حقوق الجارل كبار صعيبات=اضرب عليها باليدين الجويده
ادمـح خطـاه ولو حصـل منـه زلات=مثل المهادي من قبيله عبيده
وترى الخوي لــه وقار وشيمــات=مهما يكون من ايهو من بديده
وهــذاه موجز والمراجــل كثيرات=واوزانها عند الرجال المجيده
وصلات ربي عد االاحياء والاموات=على النبي عداد سايد وسيده

صح لسانك اخوي ولسان من قالها

وتقبل تحياتي

مشكور يا سلطان الله يعطيك العافيه ..

وصح السان قائلها

اخوك \ ابن فرحان

صحت ابدانكم والله يعافيكم
اخوكم سلطان الحافي

سلطان الله يعطيك العافية على نقلها
وصح لسان شاعرها
اخوك نهيان الحمادي

تسلم ياسلطان الحافي على المشاركة بهذه القصيدة

اخوي سلطان الحافي

صح لسانك وصح لسان قائلها.

والله يعطيك العافيه.

صحت ابدانكم اخواني والله يعافيكم

مشكور على هذه القصيده يا سلطان الحافي.. وصح لسان قائلها
والقصيده نسقتها لأنها تستاهل التنسيق

الله يعطيك العافيه وبيض الله وجهك على التنسيق
اخوك سلطان