العازمي يا ولد عاصي ....

مرحبا يالاد عاصي عريبين الجدود=الرجال اللي تعد الرجال افعولها
واخر الايام صرتو تعدون الحدود=ياجماعة خير بعض العلوم اصحو لها

البقا ياربعنا اهل الصوادر والورود = يارجالٍ فعلها دوم يسبق قولها


يابسيطه زلّة الحد مع نقض العهود = والعهود المبرمه سارين مفعولها

كل حجه يالعتيبي لها عندي شهود=لا تعقدها وتصعب عليك احلولها
الصحيح ايصح والعود في عين الحسود=والعرب بعقولها والدير بنزولها

ماش حجه غير فيها مراسيم وبنود = غيرها تفسد ولو عرضها من طولها


لو بعض الناس من عقبنا حث الجهود = ياتعب مالك خلف بعد جا مرسولها

الزمان اللي مضى لا تحسب انه يعود=والجمال الساحليه تشيل احمولها
اثر بعض الناس يوعد ويخلف في الوعود=والعلوم اللي على البال خلك حولها

يازمان الطيب ماضي وحاضر فالوجود = من جهتكم ماش كايد يجيب زحولها


ماعطيناكم وعد وان حصل شخص معقود = تاخذون العلم من ناس زولك زولها

يالعوازم كل ما زادت الدنيا نزود=والرجال اليا بغو حاجتن وصلو لها
ثابته ومثبته مار ابن عاصي جحود=مار ناسن ما تعرف السنع قولو لها

العوازم يابن ثعلي من الغالي تجود = مدة اصغر عازمي كم عرب يسعولها


كان يانايف وردتو لصافيت العدود = مانغثرب جمّها قدم ربعن جولها

الحمول اثقال وازرى يقوم ابها القعود=والمخايل خيلت مار وين اسيولها
ابشر انا كلنا دايمن نرقى سنود=يوم بعض الناس كل البلا بحثولها

فاطر القوم الهزيله رغى من دون فود = فالمسيله والعرب قدمها بطبولها


الفتايل مالها شان من دون الزنود = كل كلمه من عوارف تجي بوصولها

يا ولد عاصي ترا الوقت والعمر امحدود=كثرت الفرسان لكن وين اخيولها
الله انه لا يعز النصارى واليهود=كل ما شافو صنم كلهم صلولها


الختام من عندك يالغالي

اخوي نايف خير ختام بيوتك الاخيره وكلنا واحد


صح لسانك وشرفتنا باللعب معك طال عمرك



الله انه لا يعـز النصـارى واليهـود
كل ما شافـو صنـم كلهـم صلولهـا

صحة السنتكم

محاوره راااااااائعه


تجدد دائم واداء جميل