الله لو بعض .... (!!)

اهداء الى ..






الله لو بعض الوجيه اتواجه **** لا بات ماتحرس عيوني سراجي

واقول للي مايفكه سياجه **** تبطي ومثلك فـ المروات لاجـي

تعيش باحسان الكريم ومزاجه **** وتموت ماانت من أ لسن الناسي ناجي

وانا وتاريخ الرجال ونتاجه **** والصبر لا خان الفرج وابتهاجي

والليل والصبح العمى والزجاجه **** والضيق والدمع العصي ومزاجي

والشعر لا جت ثورته واحتجاجه **** وازريت احايل راحته وانزعاجي

اقوم واقعد في ضلوعي لجاجه **** واشوم عن ذلي ولو به علاجي

وان جت لعلوم ....... و ......... **** كثير من يرجي ولا نيب راجي

اعيش في صفو الزمان وعجاجه **** اخير من عيشة فروخ الدجاجي

يالله ماني طالبك غير حاجــه **** اموت مادرى العـــدو باحتياجي










الكـــرز

أخوي الكرز ... أنت جاي تشارك في المنتدى والا جاي تضارب !!!

الله ماادري العيب مني ياعين العقل ولا من غيري !!!!

الاخوان الاعضاء يقولون انت ( عدو)
والضاهر اني مصدق كلامهم



الكرز

عدو ... وليه عدو !!!!
بالعكس الأعضاء الي مثلك يحركون المنتدى وأنا شخصيا أستمتع بتواجدهم ... بس مشكلتك تركز على فلان وفلان ... أكثر من الطرح ... حاول تكتب بعيد عن ظلال الأخرين ... ولك التحية
أخوك عين العقل

انشاء الله اقدر اسوي اللي قلته وخصوصا انه عين العقل

اسعدني تواجدك واطراءك

تقبل تحياتي اخوك




الكــــرز

صح لسانك
قصيدة جميلة تدل على جزالة شاعرها
بانتظار القادم الجميل

والشعر لا جت ثورته واحتجاجه **** وازريت احايل راحته وانزعاجي

صدقت ولاهنت يالكرز

صح لسااااااانك

* سحاب نجد :

صح بدنك ولاهنت يابعدي .
اكثر جمال للقصيده وجودك واطراءك ..
لك فائق احترامي



* مطنش كلش : (الحمدالله ماطنشتني ) ههههههههههههه

صح بدنك وسلمت يامطنش كلش

تقبل تحياتي






الكـــــرز