أبرك الحزات لاشفت المقاطي في فضيّة ..!!

أبرك الحزات لاشفت المقاطي في فضيّة = ينشرح صدري واعجّل من على الصفحة أنادي ..!!
قالو انه كاتبٍ في مسابقة ارضٍ خليه = مار انا ماشفت شيٍ كاتبه سقم المعادي ..!!

ارحب مليوووون يازبن الدخيل :)

دوبي انتبهت !!

الله الله



لا قريت اسمك يجي فالراس طنخه صيرميه = ياعسى قسمك منه وافر .. كما حد الهنادي !!
الرجال اهل الفعل يكفون والذمه بريه = مانبا نقطع نصيب القوم .. واتعب جوادي !!

البقااا
واستلم يابن العم


عادة .. لجدودنا ناقف وتاخذنا الحمية = من زمان اخوان جوزا وابن هندي والفهادي ..!!
الرجال تسد مار انته بيوتك عالمية = مالحقك ابها ولايلحقك شك وانتقادي ..!!

الله الله

زبن الدخيل مبدع وبدايه رائعه مليئه بالاستدراج


وخالد المقاطي شاعر يجيد التعامل مع هذا النوع من الاستدراج

متابع للأبداع

زان من بيني وبينك سوق حلو الشاذليه = اقلطو للكيف قدم الكيف لك عود وقنادي !!
كل رجلً له ميوله .. في صباح وفي عشيه = واما انا شفي .. يابن عمي بوادي غير وادي !!

معجب الروعة مرورك
نقدر لك متابعتك

معجب العتيبي




ارحب مليوووووون .. لاخليت منك يابعدي ..


مرورك محل اعتزاز يالذيب











اخوك ::

وزان مابيني وبينك سرد هاذيّه وذيّه = العلوم اللي تسر وتبهج اصدور العبادي ..!!
لاتحكّم واتفلسف .. شفت يازبن الونية = القطامي مايخيّر في اصطياده والهدادي ..!!

فلسفه هاه :) هين هين



الله الله


( سامح الله من قصدني واعتمدني بالخطيه ) = بيت ابو فيصل واعيده جاء مجاله في بلادي !!
الحرار الشقر : ماترضى حمامتً شجيه = ماتفهم فالحرار الشقر يااحمد نجادي !!

ورنا يااأبوفيصل :)


خل عنك اللي تقول وخل عنك العنجهية = ماتقلبها علي ولايجي فيها ارتدادي ..!!
الحرار الشقر من فوقك يابن مكرز عليّه = وانت ماتعرف حرار البيد من جمع الحنادي ..!!

زبن الدخيل , خالد المقاطي : صحت ألسنتكم , وإبداع لايوصف .


تابعوا ...... ومتابع يا عيال العم .




أخوكم/قادح شرار.

قادح شرار \\

متابعتك شرف ,,

والإبداع مرورك على المتصفح ..

صح قلبك وكلك .. :)

:)

الله الله .. يالذيب تدقيقه ومعودلك :)




لو نفخنا جمره الغليون .. بتصير الضحيه = طيعني منته خصيمي .. قبل نعلنها حدادي !!
اثر بعض القوم فيها صار عله باطنيه = سرع مايبحث خفاها .. يحسبني شي عادي !!

أخذ الوقت كله يالبى كلك :)


لونخفتو جمرة الغليون .. منها ماعليّه = والله اني لرجع الغليون في عينك رمادي ..!!
واثر راس القوم جايلّه عراض (المالطية) = لابغيت اسنده حدّر ولافاد السنادي..!!

عدنا من جديد :(

الله الله



قلتها من جهل .. ماتدري بأن النار حيه = مار ناري مادخل في جوفها غار الجرادي !!
والله ان الراس شامخ .. مقدمً في كل هيه = يوم اشوفك ماتميز فالبياض من السوادي !!

مالحقني جهل ياللي في زمان الجاهلية = وابك انا مهندس والي في دوري التعليم نادي ..!!
السلام اختام .. واضرب لاجل تقديرك تحية = واحمد الله يوم جاريتك وحققلي مرادي ..!!

خالد المقاطي :
صح لسانك يبن العم ..
سعدت بمجاراة شاعر ..
بحجمك تقبل وافر الحب ..
اخوك زبن الدخيل ..

تشرفت انا والله في مجاراتك يامجرم :)

واسمحلنا على القصور يالذيب .. استاذ يعلم الله






العوامر ماتباهم .. عشق ليلى العامريه = جعل قسمي معك .. يبن الناس يارجال زادي !!
اجمل التقدير منا .. تقفل خيوط القضيه = والخطيه بيننا .. مايمها شربً وزادي !!

ينصر دينكم

هذا السهل الممتنع .

زين الدخيل , وخالد المقاطي

ثنائي أصيل

أفضل بكثير من محاورات اللي كنها هوشات ( توم وجيري) في أفلام كرتون .

نعم
في هالمتصفح يوجد شعر .

الله الله الله

إبداع × إبداع

صح لسانك يا زبن وياخالد

:)

إبداع

.

5 نجوم

ولكم التقدير والإحترام

...
.
محاوره من طراز فريد ...
..
لاهنت يازبن الدخيل .. ولاهنت ياخالد ...

أبوموس المروحي
ياهلا والله ومسهلا ..
يعلم الله اني لابدعت ..
أحسب حساب ردك وانتقادك ..
أثلجت الفؤاد باأطرائك ومتابعتك ..

نواف العصيمي ياهلالا ببن منصور ..
أنرت المتصفح ياغالي صح بدنك
والابداع مرور توقيعك ..
كل الحب

مرزوق حمدان ..
مجرد وجود هامة شعرية ..
ومروره على المحاورة ..
تعتبر بحد ذاتها اكبر شهادة ..
لي بتفوقي ومقدرتي ..
هنيئا لي بمرورك

قادح شرار



العود ابو موس



نواف العصيمي




مرزوق العتيبي









مروركم محل اعتزاز .. وحافز لتقدم والابداع








اخوكم :






..

زبن الدخيل صح السانك

زبن الدخيل صح السانك

خالد المقاطي صح السانك

يعطيكم العافيه

محاوره رائعه

نايف الروقي




صح كلك




اخوك ::\

لاهنت يازبن الدخيل .. ولاهنت ياخالد ...