لا صحت في برقا فزع لي ولد روق = ولا صاح روقي فزت عيال برقا

لا صحت في برقا فزع لي ولد روق = ولا صاح روقي فزت عيال برقا
عرقين من عرقٍ ولا غيرها عروق = والدم واحد لو فصايله فرقا
عتيبه الهيلا دوا كل مصفوق =عيالة العايل كمد كل خرقا
الله وهبنا شي ماهوب ملحوق =منه كبود اهل الهراطيق حرقا
الفزعه الي وسعة كل مخنوق =واليا رقة من فوق هامات ترقا
ماحنا بالي نعطي الطاق مطبوق = ولا حنا بالي ناخذ القل سرقا
حنا عطانا فوق الاطباق بطبوق = والا خذينا ناخذ الكل طرقا
تشهد مياسمنا على عاتق النوق = ورماحنا الي تزرق الكبد زرقا
حنا عتيبه لا بلا الله وجا عوق = من غرب والا من جنوبٍ وشرقا
ماهمنا لو خيلهم طوقها طوق = انشد وتعرف طرقا ويش طرقا
ماهوب قصور فالقبايل ولا بوق = في حق ناس طيبها شمس شرقا
حنا ترا عرقين ماحنا بعروق =الاد روق فعرق وفعرق برقا



الشاعر ماجد بن ضيف الله المقاطي

تشهد مياسمنا على عاتق النوق
ورماحنا الي تزرق الكبد زرقا


صح لسان ع الابيات الجزله والوافيه في عتيبه الهيلا ومخلفت الهقاوي



وابدعت في الوصف الشعري




ولاتحرمنا من جديدك

مشكوووووووووووور وأنا خوك الله يطول بعمرك

صح لسانك

قصيده جزله

اخواني:
خلف القثامي
امير الجعادين
الذيب الثبيتي

صحت ابدانكم بالنيابه ع اخوي ماجد وقريبا سينضم للمنتدى بأذن لله

صح لسانك يا وارث والطيب وصح لسان اخوك

ويسعدنا ان ينضم للمنتدى شاعر فحل اجتمعت فيه الحميا والشاعرية

أخوي ماجد
أنا أشهد بالله إنك نوماس
بيض الله وجهك
والله والسبعة أنعام بعتيبة الهيلا جميعهم برقا وروق
قصيدة تستحق عليها المدح والثناء
بل تستحق عليها جائزة بارك الله فيك وصح لسانك

السلام عليكم ورحمة الله وبركاته
الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين
بارك الله بك , شكراً أخي الكريم