القاضي ووصف القهوه

يامن لقلب كل ما ألتم الأشفاق"=
من عام الأول به دواكيك وصفوق

يجاهد جنود في سواهيج الأطراق"=
ويكشف له أسرار كتمها بصندوق

الا عن له تذكار الأحباب وأشتاق "=
باله.وطف بخاطره طاري الشوق

قربت له من غاية البن مالاق"=
بالكف صافيها عن العذف منسوق

أحمس ثلاث يانديمي على ساق "=
ريحه على جمر الغضى يفضح السوق

حذراك والنيه وبالك والأحراق"=
واصح تصير بعاجل الحمس مطفوق

الا أصفر لونه ثم بشت بالأعراق"=
وبقيت كما الياقوت يطرب له الموق

وعطت بريح فاضح فاخر فاق "=
لاعنبر ريحه بالأنفاس منشــــوق

دقه بنجر يسمعه كل مشتاق "=
راعي الهوى يطرب الا دق بخفوق

واحشه بدله مولعه كنها ساق "=
بلورة منصوبة تقل غرنـوق

خله تفوح وراعي الكيف يشتاق "=
الا طفح له جوهر صح له لاق

قمور صغار كالزمرد بالأشعاق "=
وكبارها الطافح كما صافي الموق

وزله على وضحى بها خمس ارناق"=
هيل وسمار بالاسباب مسحوق

مع زعفران والشمطري الا انساق "=
ريحه مع العنبر على الطاق مطبوق

اذا اجتمع هذا وهذا بتيفاق "=
فـ صبه كيفت العوق عن كل مخلوق

بفنجال صين صافي عنه الارماق "=
تغضى وكرسيه غدان لمعشوق

الى صب فأصبر جوهره تقل شبراق "=
رنق تصور بالحمامه على الطوق

شكل غرا الفنجال صبغه كما راق"=
دم القلب وان مزع منه معلوق

خمر الا منه تساقى بالارياق "=
وعليه من صافي الورد مذلــــوق

راعيه كنه شارب ريق ترياق "=
كاس الطروب وسرور من ذاق له ذوق

يحتاج من خمر السكارى الى فاق "=
طفل يشف شفاه والعنق مفهوق

عبث يعيل بحبه منه ماماق "=
وهو يضاهي باهي البدر بعشوق

في وجنتيه الى غنج بارق حاق "=
عجل رفيفه بالطها الغرق بطبوق

سحر كتب من حبر عينيه بوراق "=
خديه صادين ونونين من فوق

كن العرق بخدودها حص ارناق "=
نثر على صفحات بلورة الشوق

الا تبسم شع واشرق بالآفاق "=
نور يفوق البدر سحار منطوق

وبالعنق كن المسك والورس براق "=
مامشخص في صدري الشاخ مدفوق

تمشي برفق خوفها مدمج الساق "=
يفصم حجول هزه الثقل من فوق

الا صفت لك ساعة وانت مشتاق"=
فأقطف زهر ملاق والعمر ملحوق

فالى حضر ماقلت عندي الأرزاق"=
بيدي كريم كافل كل مخلوق

هذا وصلوا عند ماناض براق"=
او ماشكى الفرقى شفيق لمشفوق

على النبي مازج زاج بالاوراق"=
وآله وصحبه عد ماسيق مسيوق




الشاعر
محمد العبدالله القاضي






-

قصيدة رائعة جدا
قصيدة فعلا جميلة
وصدقني اني اتفق معه
وترى القهوة عشاقها واجد
ولا تسالني كم دله اشرب
ماعاد هيب فناجيل؟
الله يبيح راع الفناجين عندي

الاخ عبد الاله

أجل نقول ياعذاب الدله هههههه

عزيزي مشكور على مرورك

تقبل اجمل تحيه من / خالد العصيمي

خالدالعصيمي


طيب ماينقل الا كل طيب..

شكرا لك من الاعماق...

تحياتي...

الاخ طلال مرور معتاد

لك جزيل الشكر

من الاعماق

الاخ خالد
انا اشهد اني في حبها متعذب
حتى في سفراتي ما اسافر
الا هي معي جوا او بحرا او برا
تسلم ولد العم

عبدالاله

قول وفعل وهي اساس الكيف

على ماقال الشاعر

مع دلتـــــآ صفراء على النار مركاه

ابــصر بصبتها على كيف روحي

تمنياتي لك بالتوفيق الدايم

خالد العصيمي

ياسلام ياسلام...
عز الله إني أونس راسي أخذ يلف
هههههه
مشكور خالد ..



تحياااااتي.

لاهنت على المرور المعتاد

لك اجمل تحيه

من خالد العصيمي