(سحابة صيف )قصيدة للشاعر /عبد الرحمن بن محسن السيالي(ابو سيف)

{مناسبة القصيده/
مجاراه لابيات بعثتها احدى الاخوات من القبيله تشتكي فيها من تنكر بعض اقاربها لما قدمت لهم من صنايع المعروف ومجازاتها بالصدود ونكران الجميل}


هـــلا يـامـرحـبـا تـرحيبة النزال بالـرحـال ** بعد راحوا عنه ربعه وضيع في الخلا بصره
هلا برسالةًٍ جت لي من الطائف على الجـوال** وقفت الها احترام وميلت جـده عـلـى بـحــره
شكى فيها من ارسلها من الهم ومن الغربـال ** وانا ما الوم من يشكي الهموم وصابتة حسره
أنا مثله جـرى لـي فـي زمـانـي شـي مايـنـقال ** وحفظت السر في صدري وخليت الحشى قبره
سلامة خاطرك يامن شكيتى حضك الميـال ** سـلامـة خـاطـرك لـو تـنحرق بـغـداد والبصره
اكيد انك سوات الدلو يرمى بين جال وجـال ** يبيه الـلي رمـاه يـطـلع الـمـاء . مـاطـلع قـطـره!
يابنت انـتـي عـتـيبيه عـريبٍ جـدها والخـال ** وهـل الامـثـال قـالـوا مـن يـحـب اكـيـد ما يكره
يابنت انتي فخر يفخر بك الأعمام والاخوال ** ومـاصابـك سـحـابـة صـيف ما تستاهل الـعـبره
نـبي نلعب مع الدنيا على المجرور والموال ** ولـن عـانـد زمـان الـهـم احـط الـرمح فـي نحره
زمنا فيه خـيـر وشـر فـيه اخيار فـيه انـذال ** صـراحه مـن رداته ما عـرفنا عـصره وظهـره
ذكرتي فا لرساله من فعول الطيب حمل جمال ** وجا بين السطور حـروف مجتمعه ومنتثـره
لـكـن اخـر كـلامـك يابنيه يـنـشـرى با الـمـال ** وابنصحك بنصيحه سـارعى بالحـج والعمـره



قصيدة للشاعر/عبد الرحمن بن محسن السيالي (أبو سيف)

صح لسااانه وصح لسااانك ..

مشكور يالغالي على القصيده الرائعه ..

تحيتي لك
..

صح بدنك
وتسلم على هذا المرور الرائع والقيم

ما شاء الله قصيدة رائعة

واصل ونحن معك

الله ذكرتنا شاعر السياييل الله يرحمه هلال الله يعطيك العافية