بهرت لك حدب المحاني معاميل

اهداء لكل عاشق يعاني من حرقة الإنتظار !!



http://www.naif9122.com/rm/phrt.ra



للحفظ ... اضغط هُناا (http://www.naif9122.com/zip/phrt.zip)



/



بهّرت لك حدب المحاني معاميل= وزلّيت لك من نبض الأشواق دلّه
ماغير أنا والليل والثالث سهيل= اقلط ترى مليت غنج وجبلّه ..!
كم لي وانا آخايل طيوفك تخاييل = بصبي عيني صورتك مستقلّه
كم لي وأنا آحايل ظروفي تحاييل = وانته سيوف الهجر دايم تسلّه
يسريبي الهاجوس مع رهبة الليل = اطوي شريطٍ قد مضالي وافلّه
يوم السوالف بيننا والتعاليل = يوم الهوى مابين خلٍ وخلّه
تطري علي لابِهّر الكيف بالهيل = ولاهيجن الجمّال لعيون بِلّه
ولاجاذب المعواد صوت المحاحيل = ولاداعب النبنوب ورده وفلّه
انته غناتي بالسنين المقابيل= وانته صباحات الشروق المطلّه
ياللي هدبك الخرس سودٍ مظاليل= من شاهدك لوهو شجيعٍ تذلّه
لولاي أحبك مازعجت المراسيل= وسامرت نجمات السما المسفهلّه
وحاربت جلسات العرب والتعاليل = وشريت مجلاسك عن الناس كلّه
ذللّت لك جزل التماثيل تذليل = وظللتك بحبٍ تفييت ظلّه
ونحت لك بقصى الضماير تماثيل = وبنيت لك في داخل القلب فلّه
اشكي عليك الحال يانافل الجيل = انته تعرف العلم دِقّه وجِلّه
كلّه على شان الوفاء والمواصيل = بيدك تعقد الحبل وبيدك تحلّه
ماغير أنا والليل والثالث سهيل= اقلط ترى مليت غنج وجبلّه ..!





تحيتي المُبجّلة ياسادة

الشاعر المبدع / نايف العبيد العتيبي

صح لساااانك ما قصرت ..

ماغير أنا والليل والثالث سهيـل
اقلط ترى مليت غنج وجبلّـه ..!

مبدع اخوي نايف وصح السانك واعتلا شانك

محمد العتيبي

/

شُكراً لحضورك ومرورك المشرف والله لايهينك
كلي فخر بمصافحتك المشرقة


دُمت بود

بهّرت لك حدب المحاني معاميـل
وزلّيت لك من نبض الأشواق دلّه

بيض الله وجهك على الابيات الغير مستغربة من مبدع بمستوى نايف العبيد العتيبي


تقبل تحيتي لكـ

جزل ياساحر الشعر ولاتجيب الا القصيد الجزل صح لسانك عدد بلا مدد وعلا شأنك يالطيّب

صح لساآآآآآآآنك يالشاعر نايف

إبداع رائع و قصيدة جزله

بالحيل بالحيل

صح لسانك مع التحية لك

،،،،،،،،،