لغز من عضو مستجد

أنشدك عن عود حاكمن له عذارى
هو يدخل بطونهن وهن يركبنه
يلعب بهم العود لعب العذارى
وياما لعبو بالعود حتى قتلنه

طال عمرك اظن انه الشهر والليالي والايام
اتمنى يكون الحل
تسلم يالغالي

يالمحارب يبدو ان هالمره رمعتك ما صابت
لكن لو رجعت للغز الأول اللي حليته وفكرت في الاختيار الثاني ؟؟؟
ما هيب عوايدك يالمحارب ،،، لكن لكل جواد كبوه ،،،
تحياتي

والله وانا اخوك شكل الفيوزات ضربت
لكن خيرها في غيرها
وعلى ما قلت لكل جواد كبوه
تسلم وهات اللي بعده

اخوي (( المحارب )) فيوزك (( انجليزيه )) اصليه ما تضرب ((( ما شاء الله لا قوة الا بالله ))) بس انت محتاج الى دلة وشبة نار في البر وبيدك عود تقلب فيه الضو وهو يجيك يركض (( اقصد الحل ))
وترا العود يدخل بطون العذارى ياخوي

اخوي زين السلام عليكم

عندي رمعه عسى ان تصيب
مهيب خيط السبحه والله واعلم


وتقبل تحياتي

اخوي المسلسل
تسلم والله وبيض الله وجهك يا طيب الفال
عز الله انك ماخطيتها انت ومعاونيك
تحياتي لكم جميعاً وبيض الله وجيهكم