مساكم ورد
محمد صالح العطاوي11-Dec-2009, 03:47 PM
سلام الله عليكم بعد ما طال الغياب وجيت=بعد ماطالت الغيبه لفيت الدار ووسوده
بعد ماجيت ابا اخذ مع هل المقدار كم من بيت=وكل انسان ياهل الطيب ياتينا بماجوده
معجب العتيبي11-Dec-2009, 04:14 PM
عقب غيبتك يامحمد هلابك مرحبا حييت=بعد طالتبك الغيبه الا يامبرك العوده
مدام انك يابو صالح بدعت القافيه واقديت=نبا ننشدك عن سر الغياب وتالي حدوده
محمد صالح العطاوي11-Dec-2009, 04:36 PM
يدوم الك البقا ياصاحبي من بعد مارديت=مادام ان الليالي ياوسيع العرف معدوده
تقوله ياصحيبي بس انا في غيبتي مابطيت=ولابه حاجتن تصعب علي الرجال وتكوده
عزوز النفيعي11-Dec-2009, 04:38 PM
الله الله
محاوره رائعه والصف معك يامعجب
ولايهون العطاوي
محمد صالح العطاوي11-Dec-2009, 04:42 PM
الصقيل المجرب
لاهنت علي الحضور والمتابعه
تحياتي
معجب العتيبي11-Dec-2009, 04:56 PM
( بعد ماطالت الغيبه ) كلامك راجعه لا اخطيت=قبل لاتصبح الكلمات يابن الناس منقوده
انا خابرك يامحمد تعد الحق لازليت=تركد واسرليلك واحذر اللفات مسدود
معجب العتيبي11-Dec-2009, 04:57 PM
الصقيل الجرب
هلا ورحب
نورت الصف
جعلك فالوجود وبي الله وجهك
علي الثبيتي11-Dec-2009, 04:57 PM
الله الله صح لساااااااااااااااااااااااااااان العطاوي
وصح لسااااااااااااااااااااااااان معجب وانا الليله ضد معجب مخلف المواعيد والصف صف محمد
ابو لمار11-Dec-2009, 05:01 PM
محمد العطاوي
معجب العتيبي
صحت السنتكم وقلوبكم
مبدعين ولاغرابه
متاااابع للابدااااع
معجب العتيبي11-Dec-2009, 05:02 PM
الله الله صح لساااااااااااااااااااااااااااان العطاوي
وصح لسااااااااااااااااااااااااان معجب وانا الليله ضد معجب مخلف المواعيد والصف صف محمد
ههههههههههههههه
ابو فهد والله لو تدري وش صارلي
وانت على فكره كنت في زاويه اخرى
معجب العتيبي11-Dec-2009, 05:03 PM
ابو لمار
الابداع حضورك طال عمرك
نورت الصفحات
بس وش جابك مع ابو فهد بنفس الوقت
العود لايغرربك ضدي ههههههههههه
مهندس القاف11-Dec-2009, 05:04 PM
ههههههههه صحت السنكم
كيف ما ابطيت يابو صالح بعد طال الغياب
تراني في صفك ضد معجب:)
ابو لمار11-Dec-2009, 05:07 PM
ابو لمار
الابداع حضورك طال عمرك
نورت الصفحات
بس وش جابك مع ابو فهد بنفس الوقت
العود لايغرربك ضدي ههههههههههه
هههههههههههههه
ابو فهد مايعلّق الا على المحاورات المميزه
ولفت انتباهي للطاروق الجميل هذا يوم علّق عليه
وانا امشي على خطى ابو فهد هههههه
انتبه لايجيك نفسيّه مثلي يابو سلطان
محمد صالح العطاوي11-Dec-2009, 05:08 PM
انا في تالي الايام يامعجب سمعت اوحيت=كلامن يا وسيع المعرفه مابانت ابنوده
ترى كل الحقايق واضحه ما فاد لو اخفيت=وكلا يعرف ان الدار ياذيبان محسوده
محمد صالح العطاوي11-Dec-2009, 05:14 PM
النشمي
ابو لمار
مهندس القاف لاتدقق اكثر من الازم من جاء ما ابطى
صحت ابدانكم جميعا
ولاهنتو على الحظور
سعود البرقاوي11-Dec-2009, 06:11 PM
ياسلام ياسلام
ابن صالح وابو سلطان
الصف عطاوي ياللحوات الغانمة ;)
محمد صالح العطاوي11-Dec-2009, 06:34 PM
سعود البرقاوى
مشكور علي المرور
ولاهنت
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
