العصيمي خالد ان سمح لك وقتك اقرب

مساءك ورد ياخالد وان سمح لك الوقت تفضل

مرحبا بالشاعر اللي محفيٍ ورك المطيه

نوب من تحت الشداد ونوب من فوق السنامي

/

/

قرصته تجرح وتطرح من تعزوى بالعبيه

والكلام اللي نقوله لاحلال ولاحرامي

الرسايل مقفله عندي وش الحل

هيا

تسمح لي بالمجاراة

صح لسانك


والظاهر الشاعر خالد

مهب موجود

ايه تفضل يالصاطي الله محييك

البقا لشاعر اللي بين ذيك وبين ذيه=نظرته نظرة صدوق ونيته نية حرامي

سرها مسرا الذيابه بالحروف لابجديه=لاتحير فالعلوم ولاتخير فا لاسامي

انت راعي موترٍ يكسر نظام الداخليه

رقمك الخلفي تغطي به على الرقم الامامي
/

/
عام الاول لو لزمتك يالعتيبي في يديه

كان انسيك الشهاده والعصيمي والزلامي

انت مغرم في التحدي والحروف الاوليه=وانت جلمود الصفا منته شراب ولاطعامي

هيه يا بو نيتين ارجع مع اصحابك بنيه= ونقل الحمل الخفيف اللي مثل ريش النعامي

البطاقه في اليمين وفي يسارك تابعيه
ياحليلك يازقينك زين وتحب النظامي
/

/
إعلجوها كلمةٍ ماتعتبر حسنه وسيه
كل ليل اسمع بها ترقص بها فرقة ميامي

انت راعي موترٍ يكسر نظام الداخليه

رقمك الخلفي تغطي به على الرقم الامامي





بيت فالصميم




متاااابع بصمت الى النهايه

ارررررررحب ياحاكم

يسعدنا حضورك

هههههههه

ارحب يابو فلاح

اليوم تتابع بصمت وبكره ما ندري

تحسبني مثل جلمود الصخر مالي هويه=يدفنه سيل الرمه ويحط من فوقه عدامي

لن لقيتو جرة الداب الحنش والشمس حيه=مالقيتو جرة العقرب ليا حل الظلامي

حيه كاين وحيه محسوس تفرق

الصخر لولاه ماشبيت نارك في حنيه
يامولع شعلةٍ من شافها برد وسلامي
/

/
الحنش مكشوفٍ امره جرته في بطن حيه
حيةٍ في غير جحر الداب لايمكن تنامي

يا بعيراً كل ماونست العصا ترجع عليه=لاتساق مع الدروب ولايمشيك الخطامي


البيوت الخاليه مثل الخلي الهوجليه= يسمع الطرقي ورى جدرانها مثل الكلامي

من علج صم الصفا تطرح سنونه من لحيه
مابقي غير الجما كنك ورى تسعين عامي
/

/
مايحل اللغز رجلٍ منثني دون الحظيه
مثل حبٍ ميبسه حر الدهر قبل الصرامي

العمى وش لون نعطيه الفشق والبندقيه=وان وقف يا طى على العيشه ويرثع في اليدامي

مانحاسبكم على المصروف والدوله غنيه=اصرفو لو من صناديق لادب ولاحترامي

العمى ماهو عمى العين السعيده و الشقيه
في بصاير من يخلطون الحساني بالاثامي
/

/
لوتوحّي بالخطا ماجاك من يمي خطيه
مبتدانا ريح عود وعندكم مسك الختامي

الصاطي


مثل ماقلت عندك مسك الختام


شاعر جزل تشرفت بمجاراتك


واللعب معك


الف شكرلك

كا جلمود صخراً حطه السيل من علي
+++++++++++++++++++++



تشرفت باللعب معك حتى ولو ان المقصود بالقاف غيري,,




شاعر مافيك حيله صح لسااانك وتصبح على خير

يعطيكم العافية

الله الله الله


عز الله قاف يطرب


وشعراء رائعين


بيض الله وجيهكم