النفس طايبه

يامل قلب ٍ زايدات ٍ لهايبه = زادت لواهيبه وشبت شبايبه
العين عافت ما تبي لذة الكرا = والنفس من ما شافت العين طايبه
امسيت اكيل الغيض والناس هاجعه = اقنب قنيب الذيب باعلا رقايبه
اجاذب الونات من حر ماجرى = وما جابه القمري من النوح جايبه
يالله طلبتك ياعليم ٍ بحالتي = مالي سوى رجواك في كل نايبه
ياغافر الزلات ياسامع الدعا = تغفر لنفس ٍ جاتك اليوم تايبه
ياكبر غفرانك ويا قل حيلتي = من يومك الموعود نخشى عقايبه
فكرت فالدنيا كفا الله شرها = دنياً تغر الناس بالفعل خايبه
كم واحد ٍ يسعى لها ما تعينه = تسقيه مر الكأس تكثر عطايبه
تقفي عنه ماسرته في حياته = يلقى الجفا حتى من ادنى قرايبه
وكم واحد ٍ هلباج نفسه رديه = تجيه طوع ولا يتعٌب ركايبه
تضحك معه في كل يوم ٍ تغره = غرت قليل العرف والكبر صايبه
الوقت علمني دروس ٍ كثيره = دارس دواوينه وخابر لعايبه
ياجهل ٍ فالوقت يعجبك غيٌه = احذر ترى ليا دار تكثر نشايبه
انا بعد ما شفت فالوقت عبره = رضيت بالمقسوم والنفس طايبه

صح الساانك
..
..


لاهنت

الاخ متعب ثواب الجعيد

امتعتني بهذه القصيده وبيض الله وجهك

صح الساانك
..
..


لاهنت

الاخ العزيز : عناد الشيباني

تحيه طيبه

مرورك اسعدني وصح بدنك

اخيك

متعب الجعيد

الأخ الشاعر

متعب ثواب الجعيد

صح لسانك والله

صخرتها على البحر الصخري

بيض الله وجهك يامتعب

تحياتي

صح السانك وشكرا عى القصيده الجميله