الا ياليل ياليل السهاااااااارى 0 نباها مباشر اذا امكن يالربع
صافي النية23-Jan-2004, 01:11 AM
سلام الله ســـلام ماتغير
وانا فالربع ماني بمتخير
ومن يفهم يطب ولا يتحير
الا ياليل ياليل السهاااااااارى 0
الايا عتيبه الهيلا نسوق الش العلوم اجزال
من الهاجوس والخاطر بدعت القاف ملياني
الا ياكبرها الحمله والايا مصبر الحمال
ولايكوىعلى القله ياكود انسان مرضاااني
وصل العطياني؟؟؟23-Jan-2004, 02:13 AM
وصل العطياني؟؟؟23-Jan-2004, 02:25 AM
هلا بك ياصافي...
ونتشرف باللعب معاك...
وإستلم:
هلا يامرحبا بك يالمسلّم
نبى نهرج شوية ونتعلّم
بعدها كون للطرقة مولِم
وألا ياليل ياليل السهارى
بدعت القاف وافي والوفاء من عادة الرّ جّال
نبيها حدّ سيف وكل بيت أجزل من الثـــــــــاني
ولاتشقى من الحملة مادامت للحمول جمــــال
ليا حامـــت وصــأمت مالــها غير العطيــــاني :)
تحيااااااااااااتي.
ابن هليل23-Jan-2004, 03:12 AM
الليل
متابعين
وياليل ياليل السهااارى
صافي النية23-Jan-2004, 03:13 AM
هلااااااااااااااااااااااا ومليووووووووووووون غلا واكبر شرف يالقرم توي انتبهت :
يدوم الك البقا والليل طيب
وخلك يالعطياني قريب
وراس غليص لابده يشّيب
الا ياليل ياليل السهارى
بدعت القاف واماري وخابر فالديار رجال
ومثلك نعرفه ياوصل طيب قلب ولساني
تعرضت المياسم وانت منت الاعور الدجال
لو انك كنت الاعوركان يمداني ويمداني
صافي النية23-Jan-2004, 03:17 AM
ابن هليل كبير الشرف والفخر بتواجدك
اخوانك وصل ووصاافي
تحيااتي
وصل العطياني؟؟؟23-Jan-2004, 03:20 AM
هههههههههه
منوّل أبى أسري
أحسبك سريت ماشفت ردي...
لكن حصل خير..
عانّي تعرضت المياسم
هههههههههههه
بن هليّل
يشرفنا حضورك يابعد حيي...
صافي ..
جايك المليون جايك
ههههههه
تحياااااااااتي.
وصل العطياني؟؟؟23-Jan-2004, 03:35 AM
هبطنا يوم شفنا السوق غالي
وأنا أعرف مكسبي من رأس مالي
أمشّ السوق على كيف بالي
وألا ياليل ياليل السهارى
أنا قلبي سواتك وأعرف الطيّب من البطال
ومن يطري عليه إسمي يموت ولا تناساني
ياصافي لاتكبرها وهي موال ما موال
ليا كبرتها جيتك بشلفاية وبحصاني
تحياااااااااااتي.
صافي النية23-Jan-2004, 03:53 AM
انا خابرك رجلن فيك مله
وصل الفرض يارجال صله
وانا دكتور اداوي كل عله
الا ياليل ياليل السهارى
انا خــــــــــابرك متميز ماكنك غير حبة خال
وصار اسمك مع القاصي وصار اسمك مع الداني
علامك ضقت ياليتك تونس ياوسيع البال
مدام السالفه موال لاتطلع تحداني
ههههههههههه ياحبني الك تراي معي محاوره ثانيه على الهواء والعذر اذا تاخرت
فالنووادي
سرها يابو طيب سرهاااا
صافي النية23-Jan-2004, 04:04 AM
http://www.alnwadi.com/v/showthread.php?s=&postid=280706#post280706
هذا رابط المحااوره ولكن انا وانت تاخر علينا الوقت واكمل المحاورتين بكره ان شاء الله قول ان شاء الله
وبعدين بشر عسى الاختبارات زينه وعساك نجحت ووراك ماعاد تبا مدركه يالخاسق
تحياتي اللائق بهامتك الشامخه الى غداااااااااااااا اوكي
وصل العطياني؟؟؟23-Jan-2004, 04:24 AM
الله يشب علاك :D
الليلة هابة هبوبك وفي كل منتدى منزل محاورة
أبك والله إني منول مقفل الجهاز طالع مدركة ..
لين شفتك تسعسع في المنتدى ماعندك من يلطمك:p
قلت أصفط بخاطرك<<----< إيه هين ;)
عموماً نكمل متى مالله أراد ...
وأحاول إني أجي بس والله مدري متى...
الدير طلبت أهلها ..
وأبشرك ناجح وأبوي موعدني بدراجة :D
تحيااااااااااتي.
الحر الأشقر24-Jan-2004, 10:33 AM
صافي النية مرحبا ألف وعودتك كعادتك الله لا يحرمنا وجودك ياشاعرنا المميز ومحاورة فيها من المعنى والجزاله ما يجعلنا نؤمن بشاعريتك دائماً. ولك مني ألف شكر على هاللحن الرائع.
أخوك الحر الأشقر....
مشرفنا الغالي وصل بيض الله وجهك ودائماً مبدع في نظمك وفي محاوراتك وفي ردورك وفي كتاباتك وفي ذاتك، والله يخليك ويمتع بأيامك. ولا يحرمنا وجودك.
أخوك الحر الأشقر...
صافي النية24-Jan-2004, 08:58 PM
وصل وابقى تلميذا في مدرستك واحد صفوفك في كل ملعبه لك
انتظرك لانه اكبر شرف اني العب مع شخص في مكانتك
الحر الاشقر المتميز هو انت بشهااادة الجميع ثق اني متاابعك واحترمك وانك
احد الذين يشرفني معرفتهم
اخووكم /// صاافي
وصل العطياني؟؟؟26-Jan-2004, 06:05 AM
الحر الأشقر:
نفتخر بمتابعتك لنا...
وهو شرف لنا جميعاً...
تحيااااااتي.
وصل العطياني؟؟؟26-Jan-2004, 06:34 AM
صافي النية
حبيّبي :)
تلميذي , أحد صفوفي ...
هذي ماتفتكّك منّي :p
:cool: <<<-------<< ورع وشايف نفسه :D:D
إستـــــــــــلم:
ليا منّي بغيـــت أعطيــك كــيــة
تقول ( أبك أبك ) لا تصطى علية
ولن جاملتــــــــك الاهـــا خطيـة
ألا ياااليل ياااااااليل السهاااااااارى
تراها حامية ماعاد في الموضوع لعب عيال
أبى أعطيك الدروس اللي تسر البال مجاني
وأقول إن الزعل ملغي وبابه محكم الأقفال
أنا مانيب مترضيك وأنته لاترضّانــــــــــــي:)
كلـــي أسف على التأخير...
ياخوك من حين وصلت مدركة يوم الجمعة والمطر معي ....
سبحان الله...
الناس اللي مجيهم مجي المطر :D
المهم أغرانا الجو...
وخليناها مقانيص وتمشيات في ربوع بلادي :p
بالإضافة إلى هواية :
( البرطخة في الغدران ) :D
وبكل صراحة فأنا أتشرف باللعب معك...
ومتابعك أول بأول ...
الله يقويك ويوفقك...
تحياااااااتي.
صافي النية26-Jan-2004, 12:30 PM
ليا دارت رحانا مع رحاكم
نجوم القايله غطت سماكم
وشواربكم تباتلحق لحاكم :mad:
الا ياليل ياليل السهارى
يابو قلبين صح النوم ما تشبع من المقيال
تدرس من ياغلّيم ؟ وعمرك رايح وفاني |4|
يقولون الرجال الظفر ناجم والدروب اطوال
بعد قفلت باب الضعف لاترضخ على شاني|4|
|3||3||3|
سعود الفيصل26-Jan-2004, 04:10 PM
أخواني
وصل و صافي
امتعتونابالمحاوره الجميله والردودالمضحكه
تحياتي أخوكم أبو سعـود
وصل العطياني؟؟؟26-Jan-2004, 11:54 PM
الله الله
أقول إلك الجبــل صعبٍ مرازه
لا ترمَ الناس وجدارك قـــزازة
وحنا ماتخوفنا الجنــــــــــازة
ألا ياليل ياليل السهااااااااااااارى
أحد منكم يبى مطرق وأحد يكفيه ضرب عقال
وأنا مانيب راضي بالخطية فــــوق جيـــــراني
تحايل بالحيَل مير الحيَل ماتنفع المحتــــــــــال
ولو ربّيت لك دقنٍ تشابـــــــــــــــــه دقن الأفغاني;)
يسلم عليك نور نجر :D:D
تحيااااااااااااااااتي.
وصل العطياني؟؟؟26-Jan-2004, 11:59 PM
الأخ : سعود
حياك الله...
خلنا نضحك للدنيا اذنّها تضحك لنا...
واحدنا ماباقي غير يهرج نفسه
هههههههههههههه
تحيااااااااااتي.
صافي النية27-Jan-2004, 03:23 AM
عوالي فوقكم حنا اعتلانا
ولانحسب لزلات اقصرانا
ومن هرج ابن طيب ماعلانا
الاياليل ياليل السهارى
ترى شرواك من يضرب وبعد الضرب كيف الحال
يامـــــن ودك تعشى نــــــور وتفكــــــر تغداني
مادام انك تـــــــــلد العين عينك تستحق ا خلال
اخـــــــــــذ علــــمٍ وكاد وكاش ياخاتم سليمااني
الله يسلمك ولايسلمه هههههههههههههههه
مايمسك الوضوء ههههههههههههههههههههههههه
ابو مشهور انا ماقلت لك اني من صفوووفك ههههههه شفت اني صاادق
شب النار يابو طيب شبها وانت شبابها
والقلوووووووب اصحاااااح
بلغ ابو نجر سلامي اذا قابلته تكفى
تحيااااااااااااتي اللائقه
صافي النية27-Jan-2004, 03:26 AM
سعووووووود هلااااااا وغلا يالغالي
وابو مشهور من طيب اصله يضحك ولايعرف الغرور وياكثر المشهورين المغرورين وهو اطيب منهم شعر واصل وعلوم غانمه
عاد لايكبر راسك انت 000000
تحيااتي
وصل العطياني؟؟؟27-Jan-2004, 09:16 PM
كاتب الرسالة الأصلية صافي النية
سعووووووود هلااااااا وغلا يالغالي
وابو مشهور من طيب اصله يضحك ولايعرف الغرور وياكثر المشهورين المغرورين وهو اطيب منهم شعر واصل وعلوم غانمه
عاد لايكبر راسك انت 000000
تحيااتي
من يوم قريت الرد وأنا أمشي على روس أصابعي:cool:
وراز الصدر ....
وأحس نفخ في رأسي :D
قلت صداع وأنه مو صداع....
قلت صلف قهوة وأنه مو صلف...
أثره المدح يرعب العقول :D:D
حبيبي صافي:
أشكرك على إطرائك ...
وإن شاء الله إني عند حسن ظنكم...
والله يبعدنا عن الكبر ويبعده عنا...
( من تواضع لله رفعه)
( لايدخل الجنة من كان في قلبه مثقال >رة من كبر)
الدنيا رايحة بما جابت...
ماللرجال غير طيبه..
وبالمناسبة أقول ماعليك زود اخوي...
فأنت ممن نعتز بمعرفتهم وإن لم تتم ;)
الله لايحرمني منك ومن شرواك من الطيبين..
تحيااااااااااتي.
وصل العطياني؟؟؟27-Jan-2004, 09:58 PM
تبى تقومون وتطيـــحون دوني
عوالي جعلكم ما تعـــتلونـــــي
عليتوا بس في نســف الصحوني
ألأ يالييل ياااليل السهااااااارى
لا والله لن ضربت أخلي الدم الحمر وشال
توقع ضربتي بين الحجــــــاج وبين الأعياني:)
أخذ حذرك ياصافي قبل لا أحطك على التمثال
أنا أحدى عنك وأنت بنفسك أشوفك تبلاّني
تحيااااااااتي
صافي النية31-Jan-2004, 03:13 AM
عوالي يومكم وسط الدفينه
حياةٍ من غبينه في غبينه
ترى اطيبكم بسيطٍ كسر عينه
الا ياليييييل ياليل السهارى |4|
ترى هرج السعه وقت السعه ماينفعك بريال
وحنا يشهــــــد الله مانوينا نعلّق العاني:p
الاياللي تخلي صاحبك وتروح عنه لحال
اثرك مصـــاحبٍ غيره ولك عشرين عماني :cool:
ابو مشهور :
اقول انك اكبر من كلاام يقال فيك
ووجه الله ماعليه غطا واخوك ماعد الا الصحيح
واصل ياوصل واخووك على يمناك |4|
يمكن اني تاخرت لكن كنت مسافر وتعرف الواحد كثير روحات وجياات |4|
وصل العطياني؟؟؟07-Feb-2004, 05:42 AM
تقوله والغبن عينك تشوفه
وأنا ماودّي أسرف فـ الضعوفة
ياكم واحد وزنّا له بلـــوفه
ألا يااااااااااااليل ........................................
ياخيّة لاتمدّح ماخبرنـــــالك قديم أفعـــــــــال
......... تضويها ولن ضويتها عـــــــــودت تنخـــــــــاني
ماأخلي صاحبي والسيف عندي معتدل مامال
..........أحول به على أرقاب العداء لن هاج شيطاني:D
أخوي : صافي النية
والله إن الحروف تقف والكلمات تضلّ شحيحة في مدحك....
لكن لك مني كل التقدير والإحترام ....
شاكراً لك روحك الطيبة...
وسمو أخلاقك....
وكــــل عام وأنت بألف خير ....
ولنضع الرحل هــاهنا ...
ولنا لقاء آخر...
فقط أستميحك عذراً ...
لو أخطأت في جانبك...
أو حصل مايسيئ ....
تحياااااااااااااتي.
صافي النية12-Feb-2004, 12:56 PM
الله الله يابو مشووووووووور
بيض الله وجهك ويقولون اذا لعبت مع الكبار وسلمت لاعاد تعوودها :D:Dههههههههههههههههههههههههه
العذر مقبول ولاجا منك غير الطيب
واقبل العذر يادسيم السبال وياكريم الاصل والفصل اذا صار نقص منا ولا منا
وكل الشكر لمنحي فرصة الاحتكاك بشاعر في قااامتك
تحيااتي اللائقه
طلال الثعلي12-Feb-2004, 08:47 PM
صافي النيه
وصل العطياني
ياسلام سلم
الله يسعد ايامكم اللي اسعدتونا
يالقروم...
صافي النيه: كفشناك
ههههههههههههههه
تحياتي..
