مالوم أنا الحيران أنا مالومه !!!
أبو وافي العتيبي06-Aug-2008, 06:39 PM
سلام طيبٍ مانسيت أسلومه = يضفي على العربان قاصي داني
مالوم أنا الحيران أنا مالومه = مع زحمة المصياف لو ينساني
عبدالرزاق القشعمي06-Aug-2008, 06:52 PM
الله الله صح لسانك يابووافي
مبدا ينومس ويستحق المتابعه
بانتظار الحيران وصح لسانه مقدما"
عيد العازمي06-Aug-2008, 07:31 PM
وافي يابو وافي دائماً مبدع
صح لسانك ياصاحبي ولسان الحيران اول صاحب لي بالمنتدى
أبو وافي العتيبي06-Aug-2008, 07:35 PM
عبد الرزاق
صح بدنك ولاهنت
العازمي
صح بدنك شرفني مرورك يالغالي
لكم التقدير
$ الحــيــران $06-Aug-2008, 08:36 PM
هلابك أبو وافي
استلم ::
يامرحبا ترحيبةٍ مقسومه 00 بفلان وأيضا بالزميل فلاني
لله مانسى اللي تسر علومه 00 أتعب على شانه ليا ناداني
زيـاد الـسـمـيـري06-Aug-2008, 08:45 PM
الله الله لاهنت يابو وافي
صح لسانك
زيـاد الـسـمـيـري06-Aug-2008, 08:46 PM
الله الله يالجيران
صح لسانك
$ الحــيــران $06-Aug-2008, 08:51 PM
عبدالرزاق القشعمي شرفت بمرورك العذب
$ الحــيــران $06-Aug-2008, 08:52 PM
العازمي لاخلا ولاعدم هلابك
$ الحــيــران $06-Aug-2008, 08:54 PM
زياد السميري هلا وغلا ولاهنت على مرورك
أبو وافي العتيبي07-Aug-2008, 12:00 AM
دام البقاء والسالفة محـكومه = صاحبك الأول عرفه بالثاني
الوقت قاسي كاثرات همومه = واليوم أنا الحيران يالحيراني
$ الحــيــران $07-Aug-2008, 01:07 AM
استلم ::
الجو لو تكثر علاك غيومه 00 وقت الصحاه تخيّل الامزاني
قدام أبو وافي يشق هدومه 00 أبا ابتعد قدام لايبلاني
أبو وافي العتيبي07-Aug-2008, 01:45 AM
جاك النهار اللي تشوف نجومه = نزلت وسط القوم يالقوماني
الكلمة الـــــلي قلتها مســمومه = احفظ لسانك مايجيك لساني
$ الحــيــران $07-Aug-2008, 02:10 AM
استلم ::
سوق الغلا من طب فيه يسومه 00 ماني غريب الدار بين أخواني
مافيه نفس من الخطا معصومه 00 لكن لساني يالزميل حصاني
أبو وافي العتيبي07-Aug-2008, 01:23 PM
يوم الغلا كلٍ يمد سهومه = هات السمينه وأنت راع سماني
كلٍ يحاسب يوم يأتي يومه = ياربنا فالعفوا والأحساني
$ الحــيــران $07-Aug-2008, 05:02 PM
استلم ::
ذيب البراري ما تضيع عزومه 00 يحد نابه لا لقى السرحاني
نفسك يابو وافي ماهي مظلومه 00 يا متهم غيرك تراك الجاني
أبو وافي العتيبي07-Aug-2008, 09:24 PM
صوم رمضان اللي مقبل صـومه = حنا ليا ذلحين في شعباني
بعض العرب تحلف وهي متهومه = لو كان تغلط ماني بغلطاني
$ الحــيــران $08-Aug-2008, 12:06 AM
استلم ::
المنتخب ما يستعز هجومه 00 الا ومالك جنبه القحطاني
السالفه ما هي بجلسه وقومه 00 عدل واخذ حقك كما العرباني
أبو وافي العتيبي08-Aug-2008, 12:57 AM
كل الفرق قدامنا مهزومه = مادام جينا داخل الميداني
السالفة من بيننا محسومه = بيني وبينك لا يعلق عاني
معجب العتيبي08-Aug-2008, 01:11 AM
الله الله
مبدعين مع التحفظ على كم شطر
شكرا لكما وصحة السنتكم
أبو وافي العتيبي08-Aug-2008, 01:54 AM
معجب العتيبي
صح بدنك ولاهنت على المرور طال عمرك
لك كل الأحترام
$ الحــيــران $08-Aug-2008, 01:54 AM
استلم::
الفيل أبو زلوم وش زلومه 00 كان انقطع روح بخبر كاني
يفدام دام إنا سوى أبنا عمومه 00 بلاش نفرح زمرة العدواني
$ الحــيــران $08-Aug-2008, 01:55 AM
معجب لاخلا ولاعدم
شرفت بمرورك العذب
أبو وافي العتيبي08-Aug-2008, 02:25 AM
كلٍ يكفي ياولد بالزومه = كل الخلائق مالها حقراني
بالمسك والعنبر ترى مختومه = والمعذرة في شارد القيفاني
$ الحــيــران $08-Aug-2008, 02:43 AM
أبو وافي شرفتني واستفدت منك يشهد الله
لك كل المحبه والتقدير لاهنت يالغالي
وصح لسانك ملايين
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
