الكــــفن والنصـــايــــب

حان السفر واخذت اجهز ثيابي"=
مجبور اخلي ديرتي والحبايب
وبرمجت موعد رحلتي في حسابي"=
وودعت خلاني شبابه وشايب
ويومن بديت اجمع بقايا زهابي"=
مرت علي دولاب فكري غرايب
ذكرت لاجا الموت يطق بابي"=
ويقول جهزنا الكفن والنصايب
واحترت وش بتكون صيغة جوابي"=
وانا العمر كله ذنوب ومصايب
وسرحت افكر يوم يطوي كتابي"=
في يوم تبكيني هلي والقرايب
وقامت تجاذبني مراحل شبابي"=
يوم العقل فيها عن البال غايب
ومرت على شاشة خيالي ركابي"=
ولاشفت خيرن فوق ذيك الركايب
وقمت اتخيل فزتي من ترابي"=
وقتن به الدنيا دمار وخرايب
يومن به حدود العرق للعلابي"=
والناس تنظر حل كل الطلايب
قلت الله الخيره شبابي غدابي"=
وش حيلة اللي مات ماصار تايب
طالبك يامن تدري بكل مابي"=
من أول التكوين لتلى الصلايب
انك تسامحني وتلغي عذابي"=
من صفحتي حيثك جزيل الوهايب
انا ضعيف ولايزبن اجرابي"=
وانت الكريم ولا حدن منك خايب
ارجيك لاتم العدد في نصابي"=
انك تزكيني ابليا شوايب
وتهد ذنبن كنه الحيد نابي"=
وتبدله بجنانك ام العجايب
والخاتمة ياللي سمعتوا خطابي"=
تفكروا كل ماعلى الأرض ذايب
وصلوا على المبعوث عنا يحابي"=
الله بعثه لحل النشايب





راشد عثمان السكران





-

واحترت وش بتكون صيغة جوابي" ii

وانا العمر كله ذنـوب iiومصايـب
صح السانك والسان السكران
قصيد جزل وفي محله
تسلم يمناك

لاهنت ياخالد


قصديده تستحق النشر والمتابعه


لا عـــــــــــــــد منــــــــــاك

خالدالعصيمي مشكور

الاخ ((الدلبحي))

مشكوووور على مرورك الكريم

لك اجمل تحيه من خالد العصيمي

نادر الامير

مرحبا بهالطله

لك اجمل تحيات

خالد العصيمي

راع الاخبار

زانت أخبارك

مشكور على مرورك

لك اطيب تحيه