العلم شوف العين سيف وسله / قصيدة مدح بأبطال حائل للشاعر بشير النزال

السلام عليكم ورحمة الله وبركاته

الأخوة الكرام ..

العمل البطولي الذي قام به الشجعان الثلاثة

سيف الشمري ورشيد الهمزاني و عمر الفقيه

لم يمر على الشعراء مرور الكرام ..

فهنا ( أبدع ) شاعرنا الكبير / بشير نزال العنزي

في مدح هذا العمل ووصف الموقف ..

القصيدة جديدة ..



العلم شوف العين سيف وسلـه = ورشيد قلـه يالصميـدع قلـه
وثلث على عمر الفقيه الباتـع = ثلاث يالستـرة اخـوان الملـه
عمر ٍ كتبـة الله لـك بيديهـم = يوم البشر طقت اركبهـا الذلـه
ظول ٍ يسد الشمس من مشرقها = اشناب وأجسام ٍ عليـك مطلـه
اللي دعالك بالنجـاه واقـف = واللي يصور والحدث فطنٍ لـه
قد بلغ السيل الزبى فاجهشتـي= من منقذي وأعمارنـا بيـد الله
الناس فيها قلوب تنبض رحمـه = والعمـر غالـي مـا نلّـوم لله
كلن يبي يابنـت يفـزع لكـن = السيل من ياقف بوجهـه شلـه
هنا يكون الفرق فرقٍ واضـح = وين القلوب الصامـدات القلـه
يابنت لو ماها الثلاثـة منهـم = رحتوا بموتركم خليـلٍ وخلـه
على المنايا ذب روحـه يمـكَـ = سيف النماصي سيف فعله سله
فتح عليك الباب وانـتِ جيتـي = جلمود صخرٍ منحدر مـن تلـه
ولقفك منحوف الجسم بيدينـه = وغطس معك سيف السنافي كَله
ورحتوا درو سيلٍ عرموم هادر= من ينقـذ المنقـذ فدلـه دلـه
حتى أنبراء للصعب صعبٍ صامل= تقـول كبـده للمنايـا مغـلـه
رشيد مسطور همـزان وثلّـث = بالسيل بس السيل معهـم تلـه
مصيرهم اصبح مصيـرٍ واحـد = ولاظلٍ الا اللـي عليهـم ظلـه
السيل فرّقهـم ورحتـي منهـم = شتتهم الهـادر شتـات الحلـه
وحظر على الموعد عمر ينقذها = خبير غوص وخبرتـه تذعنله
القلب صندوق الضلوع يشيلـه = ثوبه عن المـاء نزّلـه لايبلـه
وغطس ويوم الله كتب بيديهـم = عسى يمانيهـم ماهـي للعلـه
انقاذ من ماتت وربـي احياهـا = بيدين من صعب العقود تحلـه
نوط الملك عبدالعزيـز الحاكَـم = يستاهلون من الملكَ عبـدالله
ملكينـا فـي فعلهـم كرمهـم = وكلن بفعلـه موقفـه سجلـه
ولـي عهـد المملكـة كافاهـم = سلطان عل الله يبـري علـه
ونوط الشجاعه بامر نايف جاهم= ماكل رجل النـوط ذا يحصلـه
وبامر الامير محمد بـن نايـف= توطيفهـم والترقيـة تكفـلـه
من قدهم عمر العمر مايرخـص= مايرخص الا يوم ياتـي حلـه
واهل الفعل وقت الرخاء الكذابه= اللي يهايط في حضـور الشلـه
قولوا لهم محدن جبرهـم لكـن= يبقى الشجاع اللي يدوس الملـه
جابتهـم استنجـارة المكلومـة = وجوها حمية والرجـال جبلـه
ماهو مهايط موت مابـه مابـه = فعـلٍ يقّّـدرة الرجـل ويجلـه
لكم التحايا من سلايـل وايـل= معجب يفعـل النادريـن القلـه
ثلاث يابنت الرجـال اخوانـك= ثلاث ياستـره اخـوان الملـه



http://www.alraidiah.com/rid8/llll/bsheer01.mp3

للتحميل اضغط يمين الماوس ثم حفظ باسم (http://www.alraidiah.com/rid8/llll/bsheer01.mp3)

للأمانة الموضوع منقول

صح لسان شاعرها وسلمت يد ناقلها ..

صح لسان شاعرها وسلمت يد ناقلها ..




ابو نواف


شكراً على المرور الرائع


الله يعطيك الف عافيه .. لاهنت


تحياتي واحترامي

بيض الله وجيه الابطال سيف الشمري ورشيد الهمزاني و عمر الفقيه , وبيض الله وجه بشير العنزي على هذا التعبير الشعري عن مواقف هؤلاء الابطال , والله لايهينك ياعزيز قوم.



تحياتي

مشكووووووووور على المووووووضوع وسلمت يمينك؟؟؟

لكم التحايا من سلايل وايل=معجب يفعل النادرين القله

عنزي كفو ويمدح شمامرة كفو ولاصارت القصيدة من كفو لكفو صارت الابيات كفو

بيض الله وجيهكم يابني وايل ويالطنايا علومكم كلها كفو وانتم كفو