معجب العتيبي أقرب جاي"

سلام رده وافيه على الرياجيل الكرام=أوهل الوفاء دايم فعلهم كل نشمي يعجبه
الحر بجناحه يطير والايحب الأنهزام=حر قطامي يصيد اليا تعلا مخلبه

يامرحبا باهل الوفا واهل النقا والاحترام=والاحترام من الصفات بكل نفس مهذبه
الحر لامنه كفخ تنزل شواريد الحمام=وليا بغا الصيده يحقق ياعميلي مطلبه

الله يبقيك أنت يامعجب والك مني سلام=وراع الوفاء وافي وفـعله للرجال امحببه

تنزل شواريد الحمام والحر دايم مايظام=مخلابه اللي يفترس به ياعميلي ما أعطبه

وش فيك يا احمد غايب ولاجيت خربت النظام=شاعر مع الشعار يلعب كيف يا احمد تطلبه؟
حاول تركز ياعميل الخير جعلك للرحام=قلبك من حروف القصيد العذب وشبك متعبه

المعذره منك أنت يامعجب وأباانهيها قوام=مدامت أنك منشغل القاف لازم نشطبه

شيبت يا معجب تراني ماني بصاحب غرام=قلبي ماعاد ايدور الحلوين ليش اتانبه

هههههه ياسلام ياسلام



لا بالله الا سرها ياصاحبي مابه منام=هذا عتب مشرف لزوم انه هنيا يكتبه
قلبك خضر ياصاحبي وتدور في دنيا الزحام=ياليت قلبك قبل تبدا فاللزوم ترتبه

الله يسلمك ويغليك


أبشر بمايرضيك يالغالي ويازين الكلام=أن جاك من رجال غالي كل شي مجربه

الله يقدينا على حسن العمل والا التزام=أبطاعته وارضاه والله من يحبه قربه

صحة السنتكم


مبدعين اثنينكم

واصلوا

متابع

ياطيب قلبك ياوسيع العرف يالذرب الهمام=للحق والمعروف دايم في طريقك منتبه
الله يقبل منك دعوتك ويجنبك الحرام=انا طلبت الله عزيز الشان وانته تطلبه


صح لسانك يا احمد


ماودي نكمل عقب هالدعوه الطيبه هههه

وتصبح على خير

ابوسلطان


صح بدنك يالغالي والله يسلمك ويديمك ،وتصبح على خير


لك مني جزيل شكري وتقديري

ابن دحيم

صح بدنك والله يسلمك

الاابداع هوحضورك يالقرم