المجد.والهيبة.وجاه السلاطين.هقوة اميراً نكس الوقت ساســـــــــــه

المجد. والهيبه. وجـاه السلاطيـن=هقوت اميراً نكٌس الوقـت ساسـه

والسيف. والمهره. وعشق المزايين=منوة شجيعاً هيٌـب الكسـر باسـه

والعز. والنعمه. وجمـع الملاييـن=رجوى فقيراً شيٌب الجـوع راسـه

احدن على رجاواه هاز الضلاعيـن=واحدن ورى رجواه طـول فلاسـه

واحدن على منواه داس السكاكيـن=واحدن ورى المنوه تعرقل مداسـه

واحدن على الهقوه يهوز الأمريـن=مر النهايه والبدايـه فـي كاسـه

هاذي حقيقت وضعكم يالمساكيـن=من طار طار وضيٌع اللـة مراسـه

ترى الصداقه تختصر بين ثنتيـن=درب الخساسه ينتهي بالخساسـه

ودربن يعزك بين نـاسً كريميـن=تلقا ابه الرفعـه وزيـن الجلاسـه

صح الساااااااااااااااااانك يالغالي

بيض الله وجهك يابوخلف على هذه الحكمه

صح بدنك ياعبد الرحمن.

.
اشكرك على المرور

ووجهك ابيض يابو نايف ...

ترى الصداقه تختصر بين ثنتيـن**درب الخساسه ينتهي بالخساسـه
ودربن يعزك بين نـاسً كريميـن**تلقا ابه الرفعـه وزيـن الجلاسـه


الله الله ..

ابيات حكمه ..

صح لسانك يانايف العضياني ..

ونتمنى المزيد من القصيد ..

......

صح بدنك ياخوي هايل