ارجو ان تنال اعجابكم

السلام عليكم ورحمة الله و بركاته

هذه قصيده للاخ والصديق فهد متعب الجعيد ارجو ان تنال اعجابكم.............................




















يابوي تمد الصبر لي كاسٍ ورى كاس
=دنيـا عنيـدة مقـدر اعصـي أمرهـا
ولاهي ارحمتني يوم ناديت بي بـاس
=غاضتـنـي وزادت علـيـه كـدرهـا
ويابوي أنا أدري من خضع ذل ينداس
=والناس تاطـى مـن قليـل فنضرهـا
وأنا أحمـد الله ماتتبعـت الأنجـاس
=ألـروح مبنـي بالكـرامـة قصـرهـا
لكن جهلت إن البلى من أقرب الناس
=ويابوي طحـت فحفـرتٍ لـي حفرهـا
طحت وتلا عب فالعقل منه وسـواس
=هو كيـف روحـي طاعتـه ويغدرهـا
كنت احترمه وطيبتي ما لهـا قيـاس
=أفـز لقـبـل والعـلـوم يحضـرهـا
بي حرصٍ ودقه وبـي دوم نومـاس
=وأخاف مـن هـرج الهبـال ونهرهـا
وأخذت لي مده وجت ضيقت أنفـاس
=ثـم أختلـف يابـوي وغلـى مهرهـا
وحسيت كنه ينتضر رخيـت الـراس
=يبغـى يـذل وذالوجـيـه أحتقـرهـا
ودقت علي طبول وانجور وأجـراس
=دقـت ومنـه الـروح أخـذت حذرهـا
ودفعت يابوي لين قربـت الأفـلاس
=وصمدت لين عظـام جسمـي نخرهـا
ودرى بغلاها انـه يفـوق الألمـآس
=عندي وبأنه صعـب أرضـى هجرهـا
وقام يتمنن ويغبنـي بـلا أحسـاس
=وآ ضيم قلبـي يـوم نفسـي حشرهـا
وجزعت وأدوشني مع الليل هوجـاس
=وقررت يابـوي إنـي أعبـر بحرهـا
طمرت ولاعنـدي مهـارات غطـاس
=حتـى الظـروف ملقيتنـي ظهـرهـا
صارعت أنا الأمواج والفكر منحـاس
=والعين ضـرٍ صابنـي فـي بصرهـا
والهم في ليلي غـدى دوم مـرواس
=ومـن أول الأوجــاع لا مأخبـرهـا
وصار ألي شجرتٍ لها غصون يباس
=جـردا مريبـه والـبـلآوي ثمـرهـا
ما يزيلها حرقٍ ولا ضربـت ألفـاس
=الها غرض وإن تـم تجلـي ضررهـا
ويتبدل أبها الغصن ويصيـر ميـآس
=الجـو يضبـط ويتـفـرع شجـرهـا
بس أنتضر متها أنتقابل في مجـلاس
=أنـا وهنـوفٍ جـمـل الله صـورهـا
تعين في يوم إن غدى الوقت منحاس
=أتعيـن والنـاس يتوقـف ضجـرهـا

تسلم يمناك

وصح السانك والسان فهد

تقبل تحياتي