قصيدة حفل زواج ولد عمهوج

بسم الله الرحمن الرحيم
السلام عليكم ورحمة الله وبركاته

اخوتي واخواتي الكرام

في هذه الاثناء تجري مراسيم حفل زفاف الشاب(حاتم العضياني)والمعروف بولد عمهوج
العضو الفعال والخلوق في هذا الصرح الاعلامي الكبير
وكنت من ضمن الشعراء المدعوين لهذا الحفل وكتبت هذه القصيدة خصيصا لهذا الحفل
الذي اقيم في محافظة الزلفي وتجري مراسيمه حتى هذه اللحظه
علما ان توقيت نشر هذه القصيدة الساعة الواحده والنصف صباحا من يوم الجمعه2-5-1430هـ دعواتنا له بالتوفيق



حب الوطن فينا وبعروقنا يسير= من حدها الشرقي الى بير زمزم
مافضل الزلفي على حوطة سدير= ولا؟افضل عشيره على ام الجماجم
لين الحسي يغتاض من جاره تمير= والمجمعة تفرح وتغتاض ملهم
اليوم يا(الزلفي)لفينا مسايير = ضيوف يوم الضيف يكرم ويحشم
زايد غلاك شوي فوق المعايير= تكفى بدون احراج لاتقولي كم
جينا عليك نسخر البعد تسخير=ولو ماعزمنا جيت من دون نعزم
جينا على حفل الوجيه المسافير= في ليلةٍ فيها السعد والفرح عم
يالابةٍ يوم اللقاء تشبع الطير= شاف الكفيف فعولها وسمعو الصم
لو الشجاعة تبدي الراي وتشير=تبصم على هيبة عتيبه وتقسم
ولو للوفا تحسب وتكتب تقارير=ليكتب وفا عتيبه على كل معجم
وعن حاتم الطائي يقال الكرم غير=عتيبه زحول الكرم خل حاتم
دخيلهم لاغرغرن النواحير=الى احتمي بظلالهم مانقل هم
يمشي من الحره ليا قاعة النير=وقت الضحى ماهوب فالليل الاظلم
يمشي بامان ولايحوفه محاذير=بارادة اللي يجلي الهم والغم
وفالقلب للعضيان حشمة وتقدير=اللابه اللي للشوارب تدسم
عضيان لاعدو طوال الاشابير=تاريخهم فيه الخواجة تكلم
واليوم يوم الله جمعناعلى خير=انتم لكم قدرٍ بها الله يعلم
هاذي قصيدة عن بني عمي( مطير)=اللابةٍ اللي لاجلها يرخص الدم
جتنا عزيمتكم وصارت؟ تباشير=وقمنا نشد رحالنا ونتولم
مانعتذر ماهيب لحية معاذير=لا بالله الا؟تم- ثم- تم - ثم -تم
وشلون ماترخص علينا المشاوير=وشلون مانحرص ونفرح نهتم
مبروك يانجل الرجال المناعير=يامعّرب الجدين والخال والعم
انت الذي يبدا لك الراي وتشير=ماخسر من جابك وسماك حاتم


الشاعر
عبدالرحمن العقيلي

..

الف مبروك لحاتم
وصح لسانك ولاهنت ياعبد الرحمن

..

الله يبارك في عمرك يابوحمدان

والف شكر على المرور

تقبل تحياتي

يالابةٍ يوم اللقـاء تشبـع الطيـر
شاف الكفيف فعولها وسمعو الصم
لو الشجاعة تبدي الـراي وتشيـر
تبصم على هيبة عتيبـه وتقسـم
ولو للوفا تحسب وتكتـب تقاريـر
ليكتب وفا عتيبه على كـل معجـم
وعن حاتم الطائي يقال الكرم غير
عتيبه زحول الكـرم خـل حاتـم



الله الله


عبدالرحمن العقيلي


صح لسااااانك


وبيض الله وجهك


ولاعليكم زوود يامطير


والف مبروك / لحاتم العضياني

الله الله الله

صح الله لسانك ياعبدالرحمن ولا عليكم زود ..

استمتعت بقراءة القصيده جدا ..


تحيتي
..

يالابةٍ يوم اللقـاء تشبـع الطيـر
شاف الكفيف فعولها وسمعو الصم
لو الشجاعة تبدي الـراي وتشيـر
تبصم على هيبة عتيبـه وتقسـم
ولو للوفا تحسب وتكتـب تقاريـر
ليكتب وفا عتيبه على كـل معجـم
وعن حاتم الطائي يقال الكرم غير
عتيبه زحول الكـرم خـل حاتـم



الله الله


عبدالرحمن العقيلي


صح لسااااانك


وبيض الله وجهك


ولاعليكم زوود يامطير


والف مبروك / لحاتم العضياني



صح بدنك ياسعود

وتقبل خالص شكري وتقدير

دمتم بخير

الله الله الله

صح الله لسانك ياعبدالرحمن ولا عليكم زود ..

استمتعت بقراءة القصيده جدا ..


تحيتي
..

محمد العتيبي


صح بدنك والف شكر على المرور والكلام الطيب


تقبل تحياتي