09-Mar-2005, 01:03 AM
ياتل قلبٍ تلتل وتل وان تل = أسباب من غطا بياضه سماره
العام أنا وإياه شلٍ على شل=واليوم أنا واياه عند الأماره
العام أنا وإياه نمشي على دل= واليوم كلٍ رايحٍ في مساره
أنا على نيتي والاشقر حونشل=يسرق قصيره ما درا عنه جاره
قولوا لمن يفرش له الورد والزل=ببعد عنه دايم وبترك دياره
لو عشت في الدنيا لحالي بلا خل= أخير من خلٍ ضياع وخساره
يامل قلبٍ ململ ومل وان مل= تصلاه دايم بين الاضلاع ناره
عليك يا اللي بالجمال ايتغزل = أصل أبدوي وعايشٍ بالحضاره
ترفٍ عيونه سود لو ما تكحل=من يشبحن فيه ايحصله دماره
مالوم دمعي لو على شانه انهل=لا جاء يوقف قلت هل بغزاره
أنا اشهد انه سلني بالهوى سل=سل السجين اللي عليه الخفاره
أبو خدودٍ في دجى الليل تشعل=اللي بياضه مختلط مع حَمَاره
تقبلوا تحياتي
أبو سلطان
حقوق النشر محفوظه
العام أنا وإياه شلٍ على شل=واليوم أنا واياه عند الأماره
العام أنا وإياه نمشي على دل= واليوم كلٍ رايحٍ في مساره
أنا على نيتي والاشقر حونشل=يسرق قصيره ما درا عنه جاره
قولوا لمن يفرش له الورد والزل=ببعد عنه دايم وبترك دياره
لو عشت في الدنيا لحالي بلا خل= أخير من خلٍ ضياع وخساره
يامل قلبٍ ململ ومل وان مل= تصلاه دايم بين الاضلاع ناره
عليك يا اللي بالجمال ايتغزل = أصل أبدوي وعايشٍ بالحضاره
ترفٍ عيونه سود لو ما تكحل=من يشبحن فيه ايحصله دماره
مالوم دمعي لو على شانه انهل=لا جاء يوقف قلت هل بغزاره
أنا اشهد انه سلني بالهوى سل=سل السجين اللي عليه الخفاره
أبو خدودٍ في دجى الليل تشعل=اللي بياضه مختلط مع حَمَاره
تقبلوا تحياتي
أبو سلطان
حقوق النشر محفوظه
